باتىس قازاقستان وبلىستىق سانيتارلىق-ەپيدەميالىق باقىلاۋ دەپارتامەنتى ءمالىم ەتكەنىندەي, وڭىردە كينوتەاترلاردىڭ, سونداي-اق تەاتر, مادەني نىسانداردىڭ جۇمىس جاساۋىنا رۇقسات ەتىلدى.
ول ءۇشىن كينوتەاترلار InfoKazakhstan.kz سايتىندا مىندەتتى تۇردە تىركەلىپ, بارلىق سانيتارلىق تالاپتاردى ساقتاي وتىرىپ, تولىمدىلىعى 20 پايىزدان اسپاۋى ءتيىس. سول سەكىلدى تەاتر, مادەني نىسانداردا جەكە جانە توپتىق دايىندىقتا ءبىر مەزگىلدە كەلۋشىلەر سانى 30 ادامنان, ورىندار سانى 20 پايىزدان اسپاۋى كەرەك.
سونداي-اق قوعامدىق تاماقتاندىرۋ ورىندارىنىڭ قىزمەت جاساۋ مەرزىمى ۇزارتىلىپ, ساعات 07.00-دەن 24.00-گە دەيىن اشىق بولادى.
قوعامدىق كولىكتەر توقتاتىلمايدى, ياعني ورالدا جەكسەنبى كۇنى دە جۇرەتىن بولدى. ال ساۋدا ۇيلەرى جانە جابىق بازارلار تەك جەكسەنبى كۇندەرى جۇمىس ىستەمەيدى.
باسقا شەكتەۋ ءىس-شارالارى ساقتالادى. ەسكە سالا كەتسەك, ورالدا جەكسەنبى كۇندەرى قوعامدىق كولىك جۇرمەيدى. سونداي-اق بقو اۋداندارىندا كوروناۆيرۋسقا قارسى ەكپە جاسالا باستادى.
