قوعام • 08 اقپان، 2021

قىزىلوردادا مۇعالىمدەر كارانتيندى ەلەمەي، جينالىس وتكىزگەن

471 رەت كورسەتىلدى

قىزىلوردا وبلىسى قازالى اۋدانىنداعى مەكتەپ-گيمنازيادا كارانتين ۋاقىتىندا كوپ ادام جينالعان ۇستازدار جينالىسى وتكەن. بۇل جيىندى ارنايى جاساقتالعان مونيتورينگ توبىنىڭ مۇشەلەرى توقتاتتى، دەپ حابارلايدى Egemen.kz

قىزىلوردا وبلىسىندا بۇل باعىتتا بارلىعى 24 مونيتورينگ توبى جۇمىس جاسايدى. وسى ماقساتتا ماماندار تاراپىنان رەيد وتكىزىلىپ، 803 نىسان قامتىلدى.

ناتيجەسىندە، 29 كارانتين تالابىن بۇزۋ فاكتىسى انىقتالدى.

ونىڭ ىشىندە قوعامدىق تاماقتانۋ ورىندارىندا - 20 بۇزۋشىلىق، ءۇي جاعدايىندا ۇيىمداستىرىلعان مەرەكەلىك-كوپشىلىك ءىس-شارالار سانى - 7، ءبىلىم بەرۋ نىساندارىنداعى كارانتين تالاپتارىن بۇزۋشىلىق - 1، مەديتسينالىق مەكەمەدە - 1 دەرەكتى قۇرايدى.

كارانتين تالابىن بۇزۋشىلىقتىڭ باسىم بولىگى قوعامدىق تاماقتانۋ ورىندارىنا قاتىستى انىقتالعان.

اتاپ ايتقاندا، 9 كاسىپكەرلىك سۋبەكتىسى ۋاقىت شەكتەۋىنە قاراماستان جۇمىسىن جالعاستىرعان.

ال 3 نىساننىڭ پەرسونالى جەكە قورعانىش قۇرالدارىنسىز (ماسكا) حالىققا قىزمەت كورسەتكەن.

سونىمەن قاتار، شامادان تىس ادام جيناپ، ءىس-شارا وتكىزۋ بويىنشا 8 كارانتين تالابىن بۇزۋ فاكتىسى تىركەلدى.

«مونيتورينگ توپتارىنىڭ رەيد تەكسەرىسىمەن تەك كاسىپكەرلىك نىساندار عانا ەمەس، ءبىلىم نىساندارى مەن ەمدەۋ مەكەمەلەرى دە قامتىلۋدا. رەيد بارىسىندا جۇمىسشى توپ قازالى اۋدانىنداعى مەكتەپ-گيمنازيادا شامادان كوپ ادام جينالعان ۇستازدار جينالىسىن توقتاتتى. سونىمەن قاتار، وسى اۋدانداعى دارىگەرلىك امبۋلاتوريادا دەنە قىزۋىن ولشەۋ قۇرالىن تەكسەرۋ مەن تىركەۋ جۋرنالىنىڭ جوق ەكەندىگى انىقتالدى. ەسەپكە الىنعان كارانتين تالابىن بۇزۋ فاكتىلەرى بويىنشا جالپى سوماسى 2 435 695 تەڭگەگە اكىمشىلىك ايىپپۇل سالىندى»، دەپ ءمالىم ەتتى قىزىلوردا وبلىسىنىڭ سانيتاريالىق-ەپيدەميالىق باقىلاۋ دەپارتامەنتىنىڭ ءباسپاسوز قىزمەتى.

ەستەرىڭىزگە سالا كەتەلىك، قىزىلوردا وبلىسىندا بەس كۇندە 460 ادام ۆاكتسينا العانىن حابارلاعان ەدىك.

 

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار