ايماقتار • 08 اقپان، 2021

قىزىلوردا وبلىسىندا 5 832 تۇلەك اقىلى ۇلتتىق تەستىلەۋ تاپسىردى

17 رەت كورسەتىلدى

قىزىلوردا وبلىسىندا قاڭتار ايىنداعى اقىلى ۇلتتىق بىرىڭعاي تەستىلەۋ اياقتالىپ، ناتيجەسى بەلگىلەندى، دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

ايماقتا بيىل 7002 وقۋشى 11-سىنىپتى اياقتايدى. ونىڭ 5832-ءى، ياعني وقۋشىلاردىڭ 83 پايىزى اقىلى ۇلتتىق بىرىڭعاي تەست تاپسىردى. قورىتىندى بويىنشا 409 تۇلەك 100 بالدان جوعارى ۇپاي جينادى. قازالى اۋدانىنىڭ №226 مەكتەپ وقۋشىسى ەڭ جوعارعى 133 بالل يەلەندى.

اقىلى تەست 10 كۇن ۇيىمداستىرىلىپ، 8 تەستىلەۋ پۋنكتىندە ءوتتى. وقۋشىلار كارانتين تالابىنا سايكەس 5 ساتىدان تۇراتىن دەزينفەكتسيالىق تەكسەرىستەن وتكەن. تەست بارىسىندا دەنە قىزۋ كوتەرىلگەن وقۋشىلار انىقتالمادى.

ايتا كەتەيىك، بيىل ۇلتتىق بىرىڭعاي تەستىلەۋدى وتكىزۋ ەلەكتروندى فورماتقا اۋىسادى. ياعني تۇلەكتەر ناۋرىز-ماۋسىم ارالىعىندا ۇلتتىق تەست تاپسىرىپ، مەملەكەتتىك گرانت الۋعا مۇمكىندىك الادى.

تۇلەكتەر 100 كۇن ىشىندە كومپيۋتەرلىك تەستىلەۋ ورتالىعىنا بارىپ، ۇلتتىق تەستكە قاتىسۋ قۇقىعىنا يە بولادى. ياعني وقۋشى ۇلتتىق تەستتى تاپسىراتىن كۇندى ءوزى تاڭداپ، ۇلتتىق تەستىلەۋ ورتالىعىنا ءوتىنىشتى ءوزى قالدىرىپ، سىناققا كىرە الادى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار