تۇركىستان وبلىسى باس مەملەكەتتىك سانيتاريالىق دارىگەرىنىڭ قاۋلىلارىنىڭ نەگىزىندە, كارانتين رەجيمى كەزىندە بىرقاتار شەكتەۋ شارالارى قويىلعان. وسى باعىتتا سارىاعاش اپب-نىڭ پوليتسەيلەرى كارانتين رەجيمىن جانە شەكتەۋ شارالارىن ساقتاۋ ءۇشىن قۇرىلعان توپپەن بىرگە پروفيلاكتيكالىق جۇمىستاردى تۇراقتى تۇردە جۇرگىزۋدە.
وسىنداي كەزەكتى رەيدتىك شارا بارىسىندا كۇندىزگى 15:30 شاماسىندا سارىاعاش اۋدانىنىڭ اۋىلدارىنىڭ بىرىندە كوكپار ويىنىنىڭ ءوتىپ جاتقانى انىقتالعان. 150-گە جۋىق ادام جيناپ, «باتا كوكپار» ۇيىمداستىرىپ, كارانتين رەجيمىن جانە شەكتەۋ شارالارىن ساقتاماعان 60 جاستاعى تۇرعىنعا قاتىستى ءىس-قۇجاتتار جيناقتالۋدا. قر قك-ءنىڭ 425-بابى (حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭناما تالاپتارىن, سونداي-اق گيگيەنالىق نورماتيۆتەردi بۇزۋ) بويىنشا جيناقتالعان قۇجاتتار سارىاعاش اۋداندىق سەبب-نا جولداندى.
سونداي-اق جىل باسىنان بەرى سارىاعاش اۋدانىندا جاسىرىن تۇردە 10-عا جۋىق كوكپار ويىنى ۇيىمداستىرىلعان. ءتارتىپ ساقشىلارىنىڭ تاباندى ەڭبەكتەرىنىڭ ارقاسىندا, دەر كەزىندە تۇرعىنداردىڭ قاۋىپسىزدىگى ءۇشىن كوكپار ويىندارى تارقاتىلىپ وتىر.
ءوز كەزەگىندە تۇركىستان وبلىسىنىڭ پوليتسەيلەرى ازاماتتاردى كارانتين رەجيمىن قاتاڭ ساقتاۋعا, مەديتسينالىق بەتپەردە كيۋگە جانە الەۋمەتتىك قاشىقتىقتى ساقتاۋعا شاقىرادى.
