جىلجىمالى قوعامدىق قابىلداۋ ساپارلارى

ەلباسى نۇرسۇلتان نازارباەۆتىڭ “جاڭا ونجىلدىق – جاڭا ەكونوميكالىق ورلەۋ – قازاقستاننىڭ جاڭا مۇمكىندىكتەرى” اتتى ەل حالقىنا بيىلعى جولداۋىندا “ەلدى جاڭعىرتۋ ستراتەگياسىنىڭ تابىستىلىعى, ەڭ الدىمەن, قازاقستاندىقتاردىڭ بىلىمىنە, الەۋمەتتىك جانە دەنە بولمىسىنا, كوڭىل-كۇيلەرىنە بايلانىستى” دەپ اتاپ كورسەتىلدى. وسى ماسەلەلەردى شەشۋدە “نۇر وتان” حدپ بىرىكتىرۋشى كۇش بولۋى قا­جەت­تىگىن ايتا كەلىپ, قۇقىق قورعاۋ ورگاندارىنا جۇمىس ادىستەرىن جەتىلدىرۋدى, قۇقىقتىق رەفور­ماعا اتسالىسۋدى مىندەتتەگەن-ءدى. وسى تالاپ ۇدەسىنەن كورىنۋدىڭ ءساتتى قادامدارى رەتىندە “نۇر وتان” حدپ اقتوبە وبلىستىق فيليالى­نىڭ قولداۋىمەن باتىس ايماقتىق كولىك پرو­كۋراتۋراسىنىڭ, باتىس كولىكتەگى ىشكى ىستەر دەپار­تامەنتى مەن “قازاقستان تەمىر جولى” ۇك” اق اقتوبە جول بولىمشەسىنىڭ ۇيىتقى بولۋى­مەن باتىس كولىك ايماعىنا قاراستى ەلدى مەكەن­دەردە “جىلجىمالى قوعامدىق قابىلداۋ” اتتى الەۋمەتتىك اكتسيا باستالدى. ونىڭ ماقساتى – اتالمىش ورگانداردىڭ ءبىرىنشى باسشىلارىنا ءوتىنىش ءبىلدىرۋ ءۇشىن مۇمكىنشىلىگى جوق حالىقتىڭ از قامتىلعان توبىنىڭ وكىلدەرىن جەرگىلىكتى جەردە قابىلداپ, ارىز-شاعىمدارىنا قۇلاق اسۋ, ولاردىڭ قۇقىقتارى مەن بوستاندىقتارىن قور­عاۋ, زاڭنامالىق كومەك بەرۋ, قۇقىق بۇزۋشى­لىق­تىڭ الدىن الۋ, وزەكتى ماسەلەلەردى قولما-قول شەشۋ, كۇردەلىلەرىن ءتيىستى ورىندارعا جەت­كىزىپ, شەشىمىن تابۋعا ىقپال ەتۋ بولىپ تابىلادى. قۇرامىندا “نۇر وتان” حدپ اقتوبە وبلىس­تىق فيليالىنىڭ توراعاسى, وبلىستىق ءماس­لي­حات­تىڭ حاتشىسى بالعالي وداباەۆ, باتىس ايماقتىق كولىك پروكۋرورى سەيفوللا كەمالوۆ, باتىس كولىكتەگى ىشكى ىستەر دەپارتامەنتى باس­تى­عىنىڭ ورىنباسارى سەرىك الداشەۆ جانە “قازاق­ستان تە­مىر جولى” ۇك” اق اقتوبە ءبولىم­شەسى ديرەكتورى­نىڭ ءبىرىنشى ورىنباسارى ۆلاديمير پەتروۆ بار جىلجىمالى قوعامدىق قابىلداۋ جاساۋشىلار مىنگەن شاعىن پويىز الدىمەن العا ستانساسىنا ايال­دادى. مۇندا قوعامدىق قابىلداۋ جاساۋشى­لار­دى العا اۋدا­نى اكىمىنىڭ ورىنباسارى نۇرحان اعنيازوۆ قار­سى الدى. قابىلداۋعا العاشقى بولىپ كىر­گەن جاس مامان اقتولقىن نۇرماعامبەتوۆا ءبىر جىلدان بەرى جۇمىسقا ورنالاسا الماي جۇرگەنىن جەتكىزدى. اقتوبە تەمىر جول بولىمشەسى ديرەك­تورى­نىڭ ورىنباسارى ۆلاديمير پەتروۆ بۇل ماماندى كادرلىق رەزەرۆكە قويىپ, جۇمىسقا تۇرۋىنا قولداۋ جاسايتىنىن ايتتى. سونداي-اق, وسى ستانسانىڭ قىزمەتكەرى جادىرا سەلەۋوۆا­نىڭ “استانا-اقتاۋ” پويىزىنىڭ ايالدايتىن ۋاقىتىن 2 مينوتتەن 5 مينوتكە ۇزارتۋ, اۋدان­دىق ءماس­لي­حات دەپۋتاتى مەرلان جالعاسباەۆتىڭ توقمانساي ستانساسىنداعى وسىنداي جاعداي ءجايلى ءوتىنىشى دە شەشىمىن تاباتىن بولدى. جەر, ءۇي, بانكتەردەن نەسيە الا الماي جۇرگەن ستانسا كەزەكشىسى سامات مۇراتاەۆ, كلارا ايمۋرزينا, كاسسير ەلميرا احمەتوۆانىڭ ءوتىنىش­تەرىن شەشۋدىڭ زاڭدى جولدارىن قاراستىرۋدى العا اۋدانى اكىمىنىڭ ورىنباسارى نۇرحان اعنيازوۆ قاپەرگە الدى. جىلجىمالى قوعامدىق قابىلداۋشىلاردىڭ قاتارى قاندىاعاش ستانساسىندا مۇعالجار اۋدانىنىڭ اكىمى سەرىك شاڭعۇتوۆ پەن ونىڭ ورىنباسارى جانگەلدى قۇرماشەۆ جانە اۋدان­دىق مەكەمەلەردىڭ باسشىلارىمەن تولىقتى. قوعامدىق قابىلداۋعا كەلگەن نۇرلان ەسەناما­نوۆ “جاستىق” شاعىن اۋدانىندا سۋدىڭ ۋاقىت­پەن بەرىلەتىنىنە قىنجىلىس ءبىلدىردى, راۋشان مۇراتوۆا ستانسادا مەدپۋنكت اشۋ ماسەلەسىن العا تارتتى. سونىمەن بىرگە, جۇمىسقا ورنا­لاسۋ­دىڭ قيىندىعىن كولدەنەڭ تارتقان ازا­ماتتار دا بولدى. اۋدان اكىمى سەرىك شاڭعۇتوۆ قاندىاعاش قالاسىنىڭ سۋ جۇيەسىنە قىرۋار قارجى جۇمسالىپ, كۇردەلى جوندەلگەنىن, سۋدىڭ تۇرعىن ۇيلەرگە دەيىن ءۇزىلىسسىز بارىپ تۇرعانى­ن, قالعانىن كووپەراتيۆتەر مەن كوندو­مي­نيۋمدەر ارقىلى شەشۋ قاجەتتىگىن مالىمدەدى. جانە بۇل ماسەلەنىڭ قالالىق اكىمدىكتىڭ با­قى­لاۋى­نا الىناتىنىن دا جەتكىزدى. مەدپۋنكت اشۋعا كادردى دايىنداپ قويعاندارىن, تەك ماسەلە وعان قاجەتتى ورىنعا تىرەلەتىنىن ايتتى. ال جۇمىسقا ورنالاسا الماي جۇرگەندەردى ءوزىنىڭ قابىلداۋىنا كەلۋگە شاقىردى. اۋداندا ءۇش-ءتورت زاۋىت اشىلىپ جاتىر,وعان ادام تابا الماي وتىرمىز, دەدى ول. تەمىر جولعا ورنالاس­قىسى كەلەتىندەردىڭ ءوتىنىشىن قاناعاتتاندىرۋعا وسىنداعى تەمىر جول مەكەمەلەرى باسشىلارى­نىڭ ىقىلاس بىلدىرمەي­تىنىن, اركىمدەردەن وسى­نىڭ استارىندا وزدەرىنىڭ جەكە باس مۇددەلىلىگى بار دەگەندى ەستىپ جۇرگەنىن دە جاسىرمادى. سوندىقتان بىلەتىندەردىڭ ءتيىستى ورىندارعا حابارلاسۋىن سۇرادى. مەدبيكەلىك ماماندىعى بار قازىنا تولەگەنوۆاعا قابىلداۋىنا كەلۋىن سۇرادى. مۇمكىندىگىنشە جۇمىسقا ورنالاسۋعا كومەكتەسەمىن, دەدى اكىم. وسىنداعى ۆاگون دەپوسىنىڭ نۇسقاۋشىسى بولاتبەك باينيازوۆ بالاسىن بالاباقشاعا ور­نا­لاستىرا الماي جۇرگەنىنە, ال زەينەتكەر قاش­قىنباي ىبراشەۆ ەڭسەلى مادەنيەت ءۇيى جوقتىعىنا شاعىمدانعان-دى. اۋدان اكىمىنىڭ ورىنباسارى جانگەلدى قۇرماشەۆ بالاباقشاعا كەزەكتىڭ كوپتىگىن ايتا كەلىپ, بىرەر ادامنىڭ ماسەلەسىن شەشۋگە بولاتىنىن, ال 180 ورىندىق مادەنيەت ءۇيىنىڭ سمەتالىق-جوبالاۋ قۇجاتتارى دايىن ەكەندىگىن, قارجىلىق داعدارىسقا باي­لانىستى ونىڭ قۇرىلىسى 2012 جىلعا شەگەرىلىپ وتىرعانىن جەتكىزدى. اقتوبە تەمىر جول ءبولىم­شەسى ديرەكتورىنىڭ ءبىرىنشى ورىنباسارى ۆلا­ديمير پەتروۆ قوعامدىق قابىلداۋدا كوتەرىلگەن ماسەلەلەر جۇمىس ءتارتىبى جاعدايىندا شەشى­لە­تىنىن جەتكىزدى. حالىقتىڭ مۇڭ-مۇقتاجىن قا­شاندا نازاردا ۇستايتىن مۇعالجار اۋدانى­نىڭ اكىمى سەرىك شاڭعۇتوۆ قوعامدىق قابىل­داۋعا كەلگەن ازاماتتاردىڭ قاي-قايسىسىنىڭ دا ماسەلەلەرى زاڭدىلىققا سايكەس وڭ شەشىلەتىنىنە سەندىردى. وسى ساپاردا قوعامدىق قابىلداۋدا 36 ادام بولىپ, ءوز ءوتىنىش-تىلەكتەرىن جەتكىزدى. بۇدان باسقا, وسىنداعى تەمىر جول ۇيىمدارىنىڭ 100-دەن استام جۇمىسشىسى اراسىندا ەڭبەك زاڭدىلىقتارىنىڭ ساقتالۋى جانە الەۋمەتتىك-تۇرمىستىق ماسەلەلەر ءجايلى ساۋالداما جۇرگىزىلدى. ولاردا كوتەرىلگەن پروبلەمەلار بويىنشا شارالار الىناتىن بولدى. باتىس ايماقتىق كولىك پروكۋراتۋراسى مۇرىندىق بولعان وسى يگى باستاما الدا ون ەكى باعىت بويىنشا جالعاسپاق. “نۇر وتان” حدپ اقتوبە وبلىستىق فيليالى قوعامدىق قابىلداۋ ءبولىمىنىڭ مەڭگەرۋشىسى امانگەلدى مەكتەپباەۆ ەندى اقتوبە-مارتوك باعىتىنداعى تەمىر جول بويىمەن وسىنداي جىلجىمالى قوعامدىق قابىلداۋ جۇرگىزىلەتىنىنەن حاباردار ەتتى. سونداي-اق وسىنداي جىلجىمالى قوعامدىق قابىلداۋلار ماي قىزمەتكەرلەرىمەن بىرلەسىپ اۆتوموبيل كولىگىمەن دە جۇزەگە اسىرىلاتىن بولىپ شەشىلدى. ساتىبالدى ءساۋىرباي. اقتوبە وبلىسى.