الەم • 08 اقپان، 2021

ۇندىستانداعى مۇز كوشكىنەن 150-دەن استام ادام جوعالىپ كەتتى

24 رەت كورسەتىلدى

ءۇندىستاننىڭ ۋتتاراكحاند شتاتىندا مۇز كوشكىنى بولىپ، 150-دەن استام ادام جوعالىپ كەتتى، دەپ حابارلايدى Egemen.kz

الدىن الا مالىمەتتەر بويىنشا جوعالىپ كەتكەندەردىڭ كوپشىلىگى ريشيگانگ سۋ ەلەكتر ستانساسىنىڭ جۇمىسشىلارى.

گيمالاي تاۋلارىنىڭ الاكناندا مەن دحاۋليگانگا وزەندەرىنە ۇلكەن مۇز ماسسالارى ءتۇسىپ، ول ءۇندىستاننىڭ سولتۇستىگىندەگى ۋتتاراكحاند شتاتىندا سۋ تاسقىنىنا سەبەپ بولدى. تومەندە ورنالاسقان سريناگار، ريشيكەش جانە حاريدۆار قالالارىنداعى سۋ ەلەكتر ستانتسيالارى شۇعىل تۇردە سۋدى اعىزىپ جاتىر.

قۇتقارۋشىلار جەتى ادامنىڭ دەنەسىن تاپقان. قازىرگى ۋاقىتتا اپات ايماعىندا جۇمىس جالعاسىپ جاتىر.

سونداي-اق وزەننىڭ جانىندا ورنالاسقان ەلدى مەكەندەردە اۆتوكولىك جانە تەمىر جول كوپىرلەرىن سالۋ جوبالارىندا جۇمىس ىستەيتىن قىزمەتكەرلەردىڭ ومىرىنە دە قاۋىپ تونگەن.

تاسقىنعا بايلانىستى بيلىك سۋ ەلەكتر ستانساسىنىڭ استىندا ورنالاسقان ەلدى مەكەندەردى ەۆاكۋاتسيالاي باستادى.

 

ايتولقىن مىرزاكاريم

سوڭعى جاڭالىقتار

دوللار ارزاندادى

قارجى • بۇگىن، 15:58

ۇقساس جاڭالىقتار