ونىڭ پىكىرىنشە, باعانىڭ وسۋىنە دەلدالدار جاۋاپ بەرەدى. ولار ءونىمنىڭ باعاسى 30%-دان 50%-عا دەيىن وسىرگەن. سونىمەن قاتار, قۇس وسىرۋشىلەردىڭ وزدەرى دە وتاندىق اسىل تۇقىمدى بازانىڭ جوعىنان وسىنداي ماسەلەمەن بەتپە-بەت كەلىپ وتىر.
جىل وتكەن سايىن ەلگە جەتكىزىلگەن تاۋىقتار فەرمەرلەرگە قىمباتقا ءتۇسىپ جاتىر. قازاقستان قۇس وسىرۋشىلەر وداعى كوپتەگەن كاسىپورىن ءوندىرىستى كەڭەيتۋگە عانا ەمەس, ءتىپتى جەم-ءشوپ ساتىپ الۋعا دا اينالىم قاراجاتى جەتپەيتىنىن ايتادى. سەبەبى, جەم-ءشوپ جارتى جىلدا تورتتەن بىرگە قىمباتتاعان. 2020 جىلى ەلىمىزدە 5 ميلليارد جۇمىرتقا وندىرىلگەن. بۇل وتكەن جىلمەن سالىستىرعاندا 8,4%-عا از.
وڭىرلەر اراسىندا جۇمىرتقا ءوندىرىسى بويىنشا الماتى (994,8 ميلليون دانا, ءبىر جىل ىشىندە مينۋس 5,8%), اقمولا (804,4 ميلليون دانا, مينۋس 6,5%) جانە قاراعاندى (664,3 ميلليون دانا, مينۋس 11,2%) وبلىستارى كوش باستاپ تۇر. بۇل ايماقتارداعى ءىرى وندىرۋشىلەر – «الساد كازاحستان» جشس, «الماتى قۇس فابريكاسى سۇڭقار» جشس, «قازگەر-قۇس» جشس, «مايقۇدىق قۇس فابريكاسى» جشس, «ك. ماركس اتىنداعى قۇس فابريكاسى» جشس جانە تاعى باسقالارى. 2020 جىلدىڭ 11 ايىنىڭ قورىتىندىسى بويىنشا جەرگىلىكتى كومپانيالار جۇمىرتقاعا سۇرانىستىڭ (ەكسپورت پەن ىشكى نارىقتا ساتۋ) 96,6%-ىن قامتاماسىز ەتكەن.
بۇل رەتتە ەكسپورتتىڭ ۇلەسى - 4,2%. وتكەن جىلى بۇل كورسەتكىش 30,4% بولعان ەدى. 204,9 ميلليون جۇمىرتقا سىرتقى نارىققا جىبەرىلدى. بۇل كورسەتكىش 2019 جىلدىڭ سايكەس كەزەڭىمەن سالىستىرعاندا 7,9 ەسە از. تولىق ەمەس جىل ىشىندە ىشكى نارىقتا 4,7 ميلليارد جۇمىرتقا ساتىلدى, جىلدىق ءوسىم - 25,7%. ورتاشا ەسەپپەن ءاربىر قازاقستاندىق 3 كۇندە ەكى جۇمىرتقادان, ياعني كۇنىنە ءبىر جۇمىرتقادان از تۇتىنادى.
