ايماقتار • 08 اقپان، 2021

«قىزىل ايماقتان» شىقساق يگى

10 رەت كورسەتىلدى

پاۆلودار وبلىستىق سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى باتىربەك اليەۆتىڭ مالىمدەۋىنشە، وڭىردە ىندەتتىڭ تارالۋىنا قاتىستى جاعداي ءالى كۇردەلى. ماسەلەن، اۋرۋ جۇقتىرعاندار اقتوعاي اۋدانىندا 5،6 ەسەگە، باياناۋىل اۋدانىندا 4 ەسەگە، ۋسپەن اۋدانىندا 9،5 پايىزدان 12،4 پايىزعا كوبەيگەن.

شىعىس قازاقستان وبلىسى رەسەيمەن ىرگەلەس جاتقاندىقتان دا، ءارى-بەرى بارىس-كەلىس كوپ، ءوزارا ساۋدا-ساتتىق دامىعان. ەكى ەل اراسىنداعى بارىس-كەلىستى، اسىرەسە جاستار جاعى جانداندىرىپ تۇر. رەسەي جوعارى وقۋ ورىندارىنا ءتۇسىپ، سوندا تۇراقتاپ قالىپ جاتقان قازاقستاندىق جاستار دا از ەمەس. كوبىنەسە، وسكەمەندەگى ورىس ەتنوسىنىڭ وكىلدەرى مەكتەپ بىتىرگەن بالالارىن رەسەي اسىرۋعا اسىعادى. ولاردىڭ ايتۋلارىنشا، رەسەيدە شاكىرتاقى جوعارى، ءومىر ءسۇرۋ الدەقايدا جەڭىل كورىنەدى. ءسويتىپ بالا-شاعاسىنىڭ سوڭىنان وزدەرى دە قونىس اۋدارۋعا تىرىسادى. ءبىرجولا كوشىپ كەتكەندەر دە، سىڭىسە الماي قازاقستانعا كەرى قايتقاندار دا جوق ەمەس.

بيىلدىڭ وزىندە شىعىس قازاقستان وبلىستىق پوليتسيا دەپارتامەنتى كوشى-قون پوليتسياسى باسقارماسى 57 ادامدى قازاقستان رەسپۋبليكاسىنىڭ ازاماتتىعىنان ايىرۋدى تىركەدى. بۇل اينالدىرعان ءبىر ايدىڭ ىشىندە عانا تىركەلگەنى. ال بىلتىر 769 ادام قازاقستان ازاماتتىعىنان باس تارتقان. بۇلاردىڭ ىشىندە قوس ەلدىڭ ازاماتتىقتى راستايتىن قۇجاتىن قالتاعا باسىپ جۇرگەندەر دە انىقتالعان. 2021 جىلدىڭ العاشقى ايىندا ەلىمىزدىڭ «ازاماتتىق تۋرالى» زاڭىن بۇزعانى ءۇشىن قر اقبك 496-بابىنىڭ 1-بولىگى بويىنشا 7 ادام جاۋاپكەرشىلىككە تارتىلعان. ياعني ولار ەكى ەلدىڭ دە كۋالىگىن قاتار پايدالانىپ جۇرگەن. مۇنداي زاڭ بۇزۋشىلىقتىڭ ايىپپ ۇلى دا از ەمەس – 100 اەك. تەڭگەگە شاققاندا، 300 مىڭعا تاياۋ. اتالعان باپتىڭ 2-بولىگى بويىنشا زاڭ بۇزعاندار ەكى ادام. دەمەك، ولار بەلگىلى ۋاقىت ىشىندە باسقا ەلدىڭ ازاماتتىعىن العاندىعى تۋرالى حابارلاماعان. ولاردىڭ ايىپ­پۇ­لى بۇدان ەكى ەسە كوپ. بىلتىر كوشى-قون زاڭىن بۇزعانداردىڭ سانى 55-كە جەتكەن. ولاردىڭ ءبارى زاڭ اياسىندا جاۋاپكەرشىلىككە تارتىلعان.

شىعىس قازاقستان وبلىستىق پولي­تسيا دەپارتامەنتى كوشى-قون قىز­مەتى باس­قار­ماسىنىڭ باسشىسى ەربول بەك­پاەۆ­تىڭ ايتۋىنشا، كوبى بىل­مەس­تىك­پەن زاڭ بۇزىپ جاتادى... ال ولار­دىڭ مەملەكەتتىك قىزمەتكە نەمەسە كۆازي­مەملەكەتتىك مەكەمەلەردە جۇمىس ىستە­ۋىنە مۇلدەم تىيىم سالىنادى.

 

شىعىس قازاقستان وبلىسى

 

سوڭعى جاڭالىقتار

قارا جولداعى قاتەر

بۇگىن، 22:56

مۋتاتسيالانعان ۆيرۋس

مەديتسينا • بۇگىن، 22:15

جىراۋلىق ونەردىڭ جاناشىرلارى

رۋحانيات • بۇگىن، 21:56

Big Tech كومپانيالارىنىڭ قارجىلىق ماسەلەسى

باعدارلامالار • بۇگىن، 21:30

ۇستازى جاقسىنىڭ ۇستامى جاقسى

رۋحانيات • بۇگىن، 18:30

بالقاشتا قار جاۋىپ جاتىر

اۋا رايى • بۇگىن، 15:48

ۇقساس جاڭالىقتار