تەننيس • 08 اقپان, 2021

جارىستان شىعىپ قالدى

144 رەت
كورسەتىلدى
1 مين
وقۋ ءۇشىن

قازاقستاندىق تەننيسشىلەر ەلەنا رىباكينا مەن يۋليا پۋتينتسەۆا مەلبۋرندا ءوتىپ جاتقان Grampians Trophy WTA 500 ءتۋرنيرىنىڭ شيرەك فينالىنا شىعا المادى.

جارىستان شىعىپ قالدى

قازاقستاننىڭ – ءبىرىنشى, وسى جارىستىڭ 4-راكەتكاسى سانالعان ەلەنا رىباكينا ەكىنشى اينالىمدا الەمدىك رەيتينگتە 66-ورىندا تۇرعان چەحيالىق باربورا كرەيچيكوۆامەن شەبەرلىك سىناسىپ, ەكى سەتتە تەننيسشىلەر 6:4, 2:6 ناتيجەسىمەن تەڭ ءتۇستى. ال شەشۋشى تاي-برەيكتە باربورا ەپتىلىك تانىتىپ, 10:6 ەسەبىمەن كەلەسى كەزەڭگە جولداما الدى.

دۇنيەجۇزىلىك رەيتينگتە 28-ورىندا تۇرعان جەرلەسىمىز يۋليا پۋتينتسەۆا دا ەكىن­شى اينالىمنان ءارى اسا المادى. اۋس­تراليا اشىق چەمپيوناتىنىڭ ەكى مارتە جەڭىمپازى, الەمنىڭ 13-راكەتكاسى, بەلارۋس وكىلى ۆيكتوريا ازارەنكومەن كەزدەسكەن پۋتينتسەۆا قارسىلاسىنا تاي-برەيكتە ەسە جىبەردى. قورىتىندى ەسەپ – 6:4, 1:6, 11:9. ءسويتىپ ەكى تەننيسشىمىز دە جارىستى ەرتە اياقتاۋعا ءماجبۇر بولدى.

 

سوڭعى جاڭالىقتار

باكۋدە ءان سالعان امىرە

تاريح • بۇگىن, 08:00