اكتسيانى قازاق ونكولوگيا جانە راديولوگيا عىلىمي-زەرتتەۋ ينستيتۋتى (قازورعزي), «وبىرمەن بىرگە كۇرەس» قوعامدىق قورى جانە Takeda بيوفارماتسەۆتيكا كومپانياسى ۇيىمداستىردى. اكتسيانىڭ باستى ماقساتى – قوعامنىڭ نازارىن وسى جاھاندىق پروبلەماعا اۋدارۋ جانە حالىقتى ونكولوگيالىق اۋرۋلاردى ەرتە انىقتاۋعا جانە ەمدەۋگە شاقىرۋ, حالىقتى قاتەرلى ىسىك تۋرالى اقپاراتتاندىرۋ.
«قازىر ونكولوگيانى ەمدەۋ ءىسى دامىعان. 10-15 جىل بۇرىن جازىلمايدى دەگەن دياگنوزدى بۇگىندە ەمدەۋگە بولادى. الەمدە ونكولوگيالىق اۋرۋلاردى ەمدەۋدىڭ وزىق ادىستەمەلەرى يگەرىلىپ, قازاقستاندا بەلسەندى قولدانىلۋدا. ونىڭ بارلىعى تمككك شەڭبەرىندە ءار ازاماتقا قولجەتىمدى. الايدا تۇراقتى ونكوسكرينينگ, سونداي-اق اۋرۋدى ەرتە انىقتاۋ ارقىلى ۇزاق ەمنىڭ الدىن الۋعا بولادى», دەدى «قازاق ونكولوگيا جانە راديولوگيا عىلىمي-زەرتتەۋ ينستيتۋتى» اق باسقارما ءتورايىمى ديليارا قايداروۆا.
قازىرگى ۋاقىتتا ەلىمىزدە حالىقارالىق حاتتامالارعا سايكەس كەلەتىن ونكولوگيالىق اۋرۋلاردى ەمدەۋدىڭ زاماناۋي تۇرلەرى جۇرگىزىلۋدە. ماقساتتى تەراپيا, يممۋنوتەراپيا جانە گەندىك ينجەنەريا ادىستەرى بەلسەندى قولدانىلادى. 2010 جىلدان باستاپ سۇيەك كەمىگىن ترانسپلانتاتسيالاۋ جۇرگىزىلۋدە, 2012 جىلى قازاقستاندا ونكوپسيحولوگتاردىڭ جەكە كاسىبي قىزمەتى پايدا بولدى.
ماڭىزدى جەتىستىك رەتىندە اۋرۋدىڭ ساتىسى مەن تارالۋىن ءدال انىقتاۋعا, ەمدەۋدىڭ وڭتايلى رەجىمدەرىن تاڭداۋعا, جەكە تەراپيانى قولدانۋعا, رادياتسيالىق نەمەسە حيميوتەراپيا كۋرسىن تاعايىنداۋعا, ەمدەۋ تيىمدىلىگىن باقىلاۋعا جانە نەگىزسىز وپەراتسيالاردى بولدىرماۋعا كومەكتەسەتىن مرت جانە پەت-كت دياگنوستيكاسىن, مولەكۋلالىق-گەنەتيكالىق زەرتتەۋلەر مەن تەلەپاتولوگيانى ەنگىزۋدى ايتۋعا بولادى. جەرگىلىكتى جەرلەردە ونكولوگيالىق اۋرۋلاردىڭ ەرتە بەلگىلەرىن انىقتايتىن جانە انىقتالعان اۋرۋلارى بار پاتسيەنتتەرگە العاشقى كومەك كورسەتەتىن ەمحانالاردىڭ قىزمەتكەرلەرى اۋقىمدى جۇمىس اتقارادى. ونكولوگيالىق اۋرۋلارمەن كۇرەس جونىندەگى كەشەندى جوسپار شەڭبەرىندە قاتەرلى ىسىكتىڭ كەڭ تاراعان تۇرلەرىمەن اۋىراتىن ناۋقاستارعا ۇيدە پاللياتيۆتىك كومەك كورسەتۋ بويىنشا ءموبيلدى بريگادالاردىڭ جۇمىسى جانداندىرىلدى.
سونىمەن قاتار ونكولوگيا تۋرالى ناۋقاستارداعى اقپاراتتىڭ جەتىسپەۋشىلىگى پروبلەماسىن شەشۋگە عانا ەمەس, سونداي-اق تەراپياعا توزىمدىلىكپەن بايلانىستى پسيحولوگيالىق جانە الەۋمەتتىك پروبلەمالار مەن ماسەلەلەردى ەڭسەرۋگە كومەكتەسۋگە ارنالعان قازاقستاندىق ناۋقاستارعا پاتسيەنت مەكتەبى فورماتىندا قولداۋ باعدارلامالارى قولجەتىمدى بولىپ وتىر. بۇل جۇمىستا ونكولوگتارعا قوعامدىق ۇيىمدار مەن الەۋمەتتىك جاۋاپتى بيزنەس باعا جەتپەس كومەك كورسەتەدى.
ء«بىزدىڭ ميسسيامىز – قاتەرلى ىسىكپەن اۋىراتىنداردىڭ ءومىرىن ساقتاپ قالۋ جانە ءومىر ساپاسىن بارىنشا جاقسارتۋ ءۇشىن بۇكىل قوعامنىڭ كۇش-جىگەرى مەن الەۋەتىن بىرىكتىرۋ», دەدى «وبىرعا قارسى بىرگە كۇرەس» قوعامدىق قورىنىڭ اتقارۋشى ديرەكتورى گۇلنار كۋنيروۆا.
ايتا كەتەلىك, جىل سايىن ەلىمىزدە 36 مىڭعا جۋىق ادام قاتەرلى ىسىككە شالدىعادى. 190 مىڭ قازاقستاندىق ونكولوگيالىق ەسەپتە تۇر.
