مۇنىڭ سالدارىنان فەرمەرلەر سۋبسيديا تولەۋدىڭ مەرزىمىن وتكىزىپ الۋى مۇمكىن. بۇل تۋرالى اقپاراتتىق-ەسەپتەۋ ورتالىعىنىڭ ءباسپاسوز قىزمەتى حابارلادى. «اقپاراتتىق-ەسەپتەۋ ورتالىعى» اق Qoldau.kz پلاتفورماسىنىڭ ازىرلەۋشىسى جانە يەسى بولعاندىقتان اۋىل شارۋاشىلىعى مينيسترلىگىنە سۋبسيديا الۋعا وتىنىمدەر قابىلداۋ مەرزىمىن كەيىنگە قالدىرۋ تۋرالى ۇسىنىسپەن حات جولداعان. وعان سەبەپ, اۋىل شارۋاشىلىعى جانۋارلارىن بىرىزدەندىرۋ (اجب) جۇيەسى مەملەكەتتىك دەرەكتەر بازاسىمەن بىرىكپەگەن سوڭ, تيەسىلى قاراجات وسىمدىك شارۋاشىلىعىمەن اينالىساتىندار اراسىندا بولىنۋىنە الىپ كەلۋى مۇمكىن. سايكەسىنشە, مال وسىرۋشىلەردىڭ مەملەكەتتىك قولداۋسىز قالۋ قاۋپى بار», دەلىنگەن تاراتىلعان اقپاراتتا.
بىرىكتىرىلگەن جۇيەنىڭ قاراستىرىلماۋى بىرقاتار قىزمەتتىڭ توقتاپ قالۋىنا اكەلدى. اتاپ ايتقاندا, مال ساتىپ الۋعا بايلانىستى نەسيەلىك پايىزدىق مولشەرلەمەنى جانە مال شارۋاشىلىعى سالاسىنداعى ينۆەستيتسيالىق جوبالاردى سۋبسيديالاۋ, سونداي-اق بۇرىن سۋبسيديالانعان نىساندارعا, ياعني مالعا مونيتورينگ جۇرگىزۋ قىزمەتى قولجەتىمسىز. ينتەگراتسيالىق جۇيەنىڭ بولماۋى جايىلىمدى جەرلەردى پايدالانۋعا بايلانىستى باقىلاۋدى توقتاتىپ, بۇل ايتارلىقتاي قيىندىقتار تۋدىردى. ويتكەنى ناقتى مالىمەتسىز ءتورت ت ۇلىكتى ونلاين-قىزمەتى ارقىلى ساقتاندىرۋ مۇمكىن ەمەس.
«ينتەرنەت جەلىسىندە جاڭا اجب مالىمەتتەر بازاسى اشىلىپ, ينتەگراتسياعا ءوتىنىم بەرۋ كەرەك دەگەن اقپارات بەرىلدى. وتىنىشتەر جىبەرىلدى. بىراق ماسەلە بىرىكتىرۋگە ارنالعان «قىسقارتىلعان نۇسقالاردىڭ» ورنالاستىرىلۋىندا جاتىر. قاراپايىم سوزبەن ايتقاندا, بىزگە جانۋارلارعا ارنالعان 26 ولشەم قاجەت, ال بىزگە تەك 14-ءىن عانا ۇسىندى. بۇل ءوز كەزەگىندە قىزمەتتەردىڭ جۇمىس ىستەۋىنە جەتكىلىكسىز», دەدى «اقپاراتتىق-ەسەپتەۋ ورتالىعى» اق باس مامانى ازامات قۇرمانوۆ.
ورتالىق وكىلدەرى دەرەكتەر بازاسىنىڭ تولىق نۇسقاسى قاشان شىعاتىنى جانە بىرىكتىرۋ ۇدەرىسىنىڭ ناقتى ۋاقىتى بەلگىسىز ەكەنىن جەتكىزدى. اۋىل شارۋاشىلىعى مينيسترلىگى تەك جۋىردا پورتالدىڭ قاجەتتىلىكتەرىن قاناعاتتاندىراتىن جاڭا قىزمەت شىعارىلاتىنىن حابارلاسا كەرەك.
زاڭعا سايكەس, سۋبسيديا الۋعا قاتىستى وتىنىمدەردى قابىلداۋ 1 اقپاننان باستالۋى كەرەك ەدى. بۇل رەتتە اتالعان ورتالىق اۋىل شارۋاشىلىعى مينيسترلىگىنىڭ ءتيىستى بازاسىمەن بىرىككەنگە دەيىن مەملەكەتتىك قولداۋ شارالارىنا تەڭ قولجەتىمدىلىكتى قامتاماسىز ەتۋ ماقساتىندا سۋبسيديالاۋ ۇدەرىسىن توقتاتا تۇرۋدى ۇسىنىپ وتىر. ءتيىستى ۇسىنىس وبلىستىق اكىمدىكتەر مەن اۋىل شارۋاشىلىعى مينيسترلىگىنە جولداندى.
