2021 جىلدىڭ 1-5 اقپانى ارالىعىندا الماتى قالاسىندا زاڭسىز جۇرگەن ادامداردى انىقتاۋ, سونداي-اق, قالاداعى قىلمىستىق احۋالدى جاقسارتۋ ماقساتىندا “كەلىمسەك” رەسپۋبليكالىق جەدەل-پروفيلاكتيكالىق ءىس-شاراسى وتكىزىلدى.
– ءىس-شارا بارىسىندا 344 كوشى-قون زاڭناماسىن بۇزۋشى انىقتالىپ, اكىمشىلىك جاۋاپكەرشىلىككە تارتىلدى, 67 شەتەلدىك قازاقستان رەسپۋبليكاسىنان شىعارىلدى. 165 شەتەلدىك قازاقستان رەسپۋبليكاسىندا بولۋ ەرەجەلەرىن بۇزعانى ءۇشىن جاۋاپكەرشىلىككە تارتىلدى. شەتەلدىكتەردىڭ قازاقستان رەسپۋبليكاسىندا بولۋ زاڭدىلىعىن قامتاماسىز ەتۋ جونىندەگى شارالاردى قابىلداماعانى ءۇشىن 164 وتانداسىمىز جاۋاپكەرشىلىككە تارتىلدى. قازاقستان رەسپۋبليكاسىنا شەتەلدىك جۇمىس كۇشىن تارتۋ ەرەجەلەرىن بۇزعانى ءۇشىن 15 جۇمىس بەرۋشى جاۋاپقا تارتىلدى. جەكە باسىن كۋالاندىراتىن قۇجاتتارى جوق 70 شەتەلدىك پد قابىلداۋ-تاراتۋ ورنىنا ورنالاستىرىلدى, – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
سونداي-اق, رەيدتىك ءىس-شارالار شەڭبەرىندە پوليتسيا قىزمەتكەرلەرى قازاقستاندا 2018 جىلدان بەرى ءوزىنىڭ قۇقىقتىق مارتەبەسىن رەتتەمەي, زاڭسىز جۇرگەن 2002 جىلى تۋعان يوردانيا ازاماتىن انىقتادى. سوت شەشىمىمەن شەتەلدىك ازامات اكىمشىلىك جاۋاپكەرشىلىككە تارتىلدى.
