قاراتاۋ اۋدانىندا 24 ەلدى مەكەن بار. قالا اۋماعىنا جاڭادان قوسىلعان ەلدى مەكەندەردەگى باستى ماسەلە - ينفراقۇرىلىم جۇيەسى. وتكەن جىلى اۋداندى اۋىزسۋمەن قامتۋدا «تۇران» شاعىن اۋدانىندا (ماگيسترالدى) ەكى نيتكالى سۋاققى قۇرىلىسى جۇرگىزىلسە, «تاسساي» تۇرعىن الابى, «دوستىق», ازات جانە وتەمىس شاعىن اۋدانىندا قۇرىلىس اياقتالىپ, قازىرگى تاڭدا سۋ ەسەپتەگىش قۇرالدارى ورناتىلىپ وتىر.
2021 جىلعا وتپەلى بولعان اسار-2 شاعىن اۋدانى مەن دوستىق تۇرعىن الابىنىڭ ىشكى ورامدىق جۇيەلەرىنىڭ قۇرىلىسى جىل سوڭىندا اياقتالادى. اۋدان اۋىز سۋمەن قامتۋدى قاجەت ەتەتىن اسار-2(2 كەزەڭ), بوزارىق ساياجايى, قايناربۇلاق, يسفيدجاب, سايرام, قىزىلسۋ تۇرعىن الاپتارىنىڭ جاڭاقۇرىلىس اۋماقتارى. «شىمكەنت قالاسىن دامىتۋدىڭ 2020-2023 جىلدارعا ارنالعان ءىس-شارا جوسپارىنا» ەنگىزىلدى. وسى ەلدى مەكەندەر اۋىزسۋمەن قامتىلسا, اۋدانداعا كورسەتكىش 83,5% -عا جەتەدى.
قاراتاۋ اۋدانىندا 47 202 تۇرعىن ءۇي قونىستانعان بولسا, ونىڭ 37 169 ءۇي, ياعني (78,8%) مەملەكەتتىك, 10 033 ءۇي (21,2%) جەكە مەنشىكتەگى ەلەكتر ترانسفورماتورلاردان جارىق الادى. وتكەن جىلى دوستىق, اسار-2, تاسساي جانە ازات, قايتپاس شاعىن اۋداندارىنا ەلەكتەر جەلىلەرىن تارتۋ جۇمىسى اتقارىلعان.
2021 جىلى اسار-2 (2 كەزەڭ), بوزارىق-2 شاعىناۋدانى مەن دوستىق تۇرعىن الابىن ساپالى ەلەكتر جارىعىمەن قامتۋ ماقساتىندا جسق ازىرلەنگەن. ال, قايناربۇلاق تۇرعىن الابىن ساپالى ەلەكتر جارىعىمەن قامتۋ جوباسى 2021 جىلدىڭ بيۋدجەتىنە ۇسىنىلدى. تۇران شاعىن اۋدانى (ماگيسترالكا 10 كۆ) قۇرىلىسى 2020 جىلى باستالىپ, قازىردە جۇمىس جالعاسىپ كەلەدى.
اۋداندا وتكەن جىلى تۇران شاعىن اۋدانىندا تابيعي گازبەن قامتۋ بويىنشا ماگيسترالدى جۇيەنىڭ 1-كەزەڭىنىڭ قۇرىلىسى جۇرگىزىلگەن. وسى جىلى «قايناربۇلاق» تۇرعىن الابىنا ماگيسترالدى گاز قۇبىرى تارتىلسا, دوستىق, اسار-2, ازات شاعىن اۋدانىندا ىشكى ورامدىق جۇيەلەردىڭ قۇرىلىسى جالعاسادى. اتالعان جۇمىس اياقتالسا اۋداندا تابيعي گازبەن قامتىلۋ كورسەتكىشى - 85 % -عا جەتەدى.
فوتو: بەرەكە سەيىتجاپپار
