اۆتوكولىك يەلەرى سالىق بەرەشەگىنىڭ بولماۋى (بولۋى) تۋرالى اقپاراتتى قارجى مينيسترلىگى مەملەكەتتىك كىرىستەر كوميتەتىنىڭ kgd.gov.kz پورتالانىڭ «ەلەكتروندىق قىزمەتتەر» بولىمىنەن نەمەسە E-SalyqAzamat ءموبيلدى قوسىمشاسىنان (AppStore جانە PlayMarket) كورۋگە بولادى. ياكي مەملەكەتتىك كىرىستەر كوميتەتىندە 1414 نومىرىنە قوڭىراۋ شالىپ, قوسىمشا ءنومىرى «4»-ءتى باسىپ, بايلانىس ورتالىعىنا حابارلاسۋعا مۇمكىندىك بار.
وسى جىلدان باستاپ ەنگىزىلگەن وزگەرىستەرگە سايكەس جەكە تۇلعالاردىڭ 2020 جىلعا ارنالعان كولىك سالىعىن 2021 جىلدىڭ 1 ساۋىرىنەن كەشىكتىرمەي تولەۋى كەرەك. بىراق كولىك سالىعىن تولەۋ ەسەپتى جىلدان كەيىنگى جىلدىڭ 1 ساۋىرىنە اۋىستىرىلۋىنا بايلانىستى ازاماتتار اراسىندا سالىق كولەمى وسەدى دەگەن تۇسىنىسپەۋشىلىك تۋعان. بۇل جاعدايدا كولىك سالىعىنىڭ سوماسىن ەسەپتەۋ كەزىندە 2020 جىلعى 1 قاڭتارداعى ايلىق ەسەپتىك كورسەتكىشتىڭ مولشەرى ەسكەرىلەدى. وعان قوسا, ءوسىمپۇلداردى ەسەپتەۋ الگوريتمى دە قايتا قارالىپ جاتىر. ەسكە سالا كەتەيىك, اتالعان مەرزىمدە اەك 2 651 تەڭگەنى قۇرايدى. ياعني سالىق وسى كورسەتكىشپەن ەسەپتەلەدى. 2021 جىلعا ارنالعان كولىك سالىعىن بەلگىلەنگەن ۋاقىتتا تولەگەن كەزدە 2021 جىلدىڭ 1 قاڭتارىنداعى اەك قولدانىلادى. دەمەك, 2020 جىل ءۇشىن كولىك سالىعى وسپەيدى.
ەندى اۆتوكولىك يەلەرى ۇيدەن شىقپاي-اق سالىقتى وڭتايلى جۇيەمەن تولەي الادى. ول ءۇشىن كوميتەتتىڭ www.kgd.gov.kz پورتالىنداعى كالكۋلياتوردى اشىپ, وندا سالىق كەزەڭىن, كولىك قۇرالىنىڭ ءتۇرىن جانە قوزعالتقىش كولەمىن كورسەتسە بولدى. ەلەكتروندى سەرۆيس ءتيىستى سالىقتى ءوزى ەسەپتەپ بەرەدى. كالكۋلياتور پورتالدىڭ نەگىزگى ەكرانىنداعى «ەلەكتروندى سەرۆيستەر» بولىمىندە ورنالاسقاندىقتان, ول جىلدام تابىلادى.
وز شەشىمىن كۇتىپ تۇرعان ماسەلەلەر جەتەرلىك. ماسەلەن, كەي ازاماتتاردىڭ كولىگى بولماسا دا, ولارعا سالىق مولشەرمەسى جىبەرىلگەن. ەگەر اۆتوكولىك بولماعان جاعدايدا, تۇرعىلىقتى جەرى بويىنشا مەملەكەتتىك كىرىستەر دەپارتامەنتىنە مەنشىك قۇقىعىندا كولىك قۇرالىنىڭ جوقتىعى تۋرالى ۋاكىلەتتى مەملەكەتتىك ورگاننان انىقتاما ۇسىنۋ قاجەت. سەبەبى كولىككە سالىناتىن سالىق ۋاكىلەتتى مەملەكەتتىك ورگاننىڭ اقپاراتى نەگىزىندە ەسەپتەلەدى. سونىمەن قاتار كولىك سالىعىن بسك كودى – 104402 جانە ستك كودى – 911 نەمەسە 912 كودى ارقىلى تولەنەدى.
بۇدان وزگە, سالىق مولشەرلەمەسى اەك مولشەرىنە جانە كولىك قۇرالىنىڭ قوزعالتقىشىنىڭ سىيىمدىلىعىنا بايلانىستى, سايكەسىنشە جىل سايىن اەك وسۋىمەن بىرگە سالىق سوماسى وسەدى.
مۇگەدەكتىڭ جەكە مەنشىگىندە قوزعالتقىش سىيىمدىلىعى 4000 تەكشە سم-گە دەيىنگى اۆتوكولىگى بولسا دا, كولىك سالىعىنان بوساتىلمايدى. ويتكەنى, كولىك قۇرالدارىنا سالىقتان بوساتۋ تەك ءبىر عانا كولىك قۇرالى ءۇشىن قاراستىرىلعان. ەگەر قوزعالتقىشىنىڭ سىيىمدىلىعى 4000 تەكشە سانتيمەتردەن جوعارى جەڭىل اۆتوكولىك 2013 جىلدىڭ 31 جەلتوقسانىنا دەيىن ۋاكىلەتتى مەملەكەتتىك ورگاندا تىركەلسە جانە سول تىركەلگەن ۋاقىتتان باستاپ كولىك قۇرالىنىڭ يەسى وزگەرمەسە, وندا كولىك قۇرالىنىڭ يەسى سالىق تولەۋدەن بوساتىلادى.
ەندىگى جايت ۇرلانعان كولىك ءۇشىن سالىق تولەۋ كەرەك پە؟ مۇندا ەش شىعىندالۋدىڭ قاجەتى جوق. نەگە دەسەڭىز, كولىك قۇرالىن ۇرلاۋ بويىنشا قىلمىستىق ءىس قوزعاۋ فاكتىسىن راستايتىن اقپارات − ۇرلانعان كولىككە سالىنعان سالىقتان بوساتۋعا نەگىز بولىپ تابىلادى. سونداي-اق كولىك قۇرالىن ۇرلاۋ تۋرالى قىلمىستىق ءىس قوزعالعان كۇننەن باستاپ سالىقتى ەسەپتەۋ توقتاتىلادى, جانە قىلمىستىق ءىس توقتاتىلعان نەمەسە كەرى قايتارىلعان كۇننەن باستاپ سالىق قايتا ەسەپتەلەدى. وسىلايشا, ەگەر ۋاكىلەتتى مەملەكەتتىك ورگاندا كولىك قۇرالىن ۇرلاۋ تۋرالى قىلمىستىق ءىس قوزعالماسا, سالىق ورگانىنىڭ كولىك سالىعىن ەسەپتەۋدى توقتاتۋعا ەش نەگىزى جوق.
