قوعام • 05 اقپان، 2021

جالاقىنى كوتەرمەسە، جۇمىسقا شىقپايدى

67 رەت كورسەتىلدى

جالاقىلارىنىڭ كۇنكورىسكە جەتپەيتىنىن العا تارتقان «شىمكەنت BUS» كومپانياسىنىڭ جۇزدەن استام اۆتوبۋس جۇرگىزۋشىسى مەن كوندۋكتورى جۇمىسقا شىعۋدان باس تارتتى. وزدەرىنە 300 مىڭ تەڭگە كولەمىندە ەڭبەكاقى بەرىلۋىن تالاپ ەتكەن ولار اتالعان كومپانيا عيماراتىنىڭ الدىنا جينالىپ، باسشىلىققا ءوز تالاپتارىن ايتتى.

 

تاڭعى ۋاقىتتا قوعامدىق كولىك قاتىناماعاندىقتان مەگاپوليس تۇرعىن­دا­رى ايالدامالاردا ساعاتتاپ سارىلىپ، امالسىزدان تاكسي قىزمەتىنە جۇ­گىن­دى. قوعامدىق كولىك جۇرگىزۋشىلەرىن جۇمىسقا شىعۋعا ۇگىتتەگەن قالا اكىمى مۇرات ايتەنوۆ ماسەلەنى تەز ارادا شە­شۋگە ۋادە بەردى. الايدا اشىنعان جۇر­گىزۋشىلەردىڭ توپتاسقان شوعىرى تارقاي قويمادى. بۇل شىمكەنتتىك اۆتوبۋس جۇرگىزۋشىلەرىنىڭ ايلىق جالاقى تۋرالى العاشقى اششى ءۇنى ەمەس. ەڭبەكاقىسى ۋاقتىلى تولەنبەگەن جۇرگىزۋشىلەر 2019 جىلى دا وسىنداي قادامعا بارعان.

كومپانيا باسشىسى ازات ساحات­ ۇلى­نىڭ ايتۋىنشا، جۇرگىزۋشىلەر ايلىعى العاشقى كەزدە 130 مىڭ تەڭگە بولسا، كەيىننەن 155 مىڭ تەڭگەگە دەيىن وسكەن. قازىرگى تاڭدا كومپانيا باسشىلىعى مەن جۇرگىزۋشىلەر اراسىندا ەكىجاقتى كەلىسسوزدەر جۇرگىزىلۋدە. ءبىر قىزىعى، شىمكەنتتەگى قوعامدىق كولىكتەرگە بىلتىر كۇز ايىنان باستاپ «تولەم» ەلەكتروندى بيلەت جۇيەسى ەنگىزىلگەن بولاتىن. ءوز كەزەگىندە اكىمدىك وكىلدەرى سمارت قوندىرعىلار شاھاردىڭ قوعامدىق كولىك قوزعالىسى جۇيەسىندەگى قارجى اينالىمىن اشىق، جاريا تۇردە جۇرگىزىپ، قازىناعا قۇيىلار سالىق تۇسىمدەرىن ەسەلەيتىنىن جەتكىزگەن ەدى. كەيىننەن شاھار تۇرعىندارى تاراپىنان «تولەم» كارتوچكالارى جەتىسپەيدى، اۆتوبۋستارعا قويىلعان ۆاليداتورلار ىستەمەيدى»، دەگەن ەسكەرتپەلەر كوپتەپ ايتىلا باستادى. شىمكەنتتىكتەردىڭ تالاپ-تىلەگىن ەسكەرگەن قالا اكىمىنىڭ ورىنباسارى ماقسۇت يساحوۆ جەكە كومپانيا ديرەكتورلارىنا «ەگەر، قوعامدىق كولىكتەردەگى «تولەم» جۇيەسى ىستەن شىقسا، تەحنيكالىق اقاۋ­لار­عا بايلانىستى جۇمىس ىستەمەسە
1 اقپاننان باستاپ حالىق قوعامدىق كولىك­تەرگە اقىسىز مىنەدى»، دەپ تالاپ قويعان ەدى.

ال ەرەۋىلگە شىققان نارازى توپ ماردىمسىز جالاقى الاتىنىن، جۇمىس بەرۋشىنىڭ ورىنسىز تالاپتارىنا قارسى ەكەنىن ايتۋدا. ولار كومپانيادا تولەم كارتاسى ەنگىزىلسە دە، جۇمىس بەرۋشىنىڭ قوعامدىق كولىك قىزمەتىن قولما-قول اقشا تولەپ پايدالاناتىن جولاۋشىلاردان تۇسەتىن اقشاعا جوسپار جۇكتەپ قويعانىنا كۇيىنەدى. ايتۋلارىنشا، جۇرگىزۋشىلەردىڭ جالاقىسى – 150 مىڭ تەڭگە. قولعا الاتىنى – 120 مىڭ تەڭگە. ال كوندۋكتوردىڭ الاتىنى – 70 مىڭ تەڭگە.

«تاڭعى ساعات 06.00-دەن كەشكى ساعات 20.00-گە دەيىن وسى ماردىمسىز ايلىقتى قاناعات تۇتىپ كەلدىك. ءتىپتى، تۇسكى استى دا قالتامىزدان تولەپ ىشەمىز. اۆتوبۋستى دا ءوزىمىز تازالايمىز (جۇمىس بەرۋشىگە اۆتوبۋستى جۋ، كومپانيا قىزمەتكەرلەرىن تۇسكى تاماقپەن قامتاماسىز ەتۋى مىن­دەت­تەلگەن). ءبىز «تولەم» كارتاسىنا قارسى ەمەسپىز. كوندۋكتور بولماسا حا­لىق تولەم كارتاسىن ۆاليداتورعا ۇر­مايدى. ونى قاداعالاۋ ءۇشىن كوندۋك­تور قىزمەتى قاجەت-اق. باستى تالابىمىز – ەڭبەكاقىنى كوبەيتىپ، باسى ارتىق «جوسپاردى» الىپ تاستاسا»، دەيدى ايىمگۇل ەسىمدى كوندۋكتور.

ەكىجاقتى ىمىراعا كەلگەن نارازى توپتىڭ ۇلكەن شوعىرى جۇمىستى قايتا جالعاستىرا باستادى. الايدا وندا­عان ادام كومپانيا باسشىلىعىنا قوي­عان تالابى ورىندالعانشا جۇمىسقا كىرىس­پەي­تىن­دىگىن جەتكىزدى.

«شىمكەنت قالاسىندا 18 باعىت بو­يىنشا جولاۋشى تاسىمالداۋمەن اينالىساتىن «Shymkent bus» كومپانياسىندا 450-گە جۋىق جۇرگىزۋشى ەڭبەك ەتەدى. سوڭعى ءبىر جىلدا «سپك «Shymkent» اق قارجىلاي قولداۋىمەن مەكەمە يەلىگىندەگى اۆتوبۋستار تولىق جاڭارتىلعان.

«شاھارداعى جاڭا اۆتوبۋستارعا «تولەم» جۇيەسى ەنگىزىلگەن سوڭ، كولىك جۇر­گىزۋشىلەرى، كوندۋكتورلار قولما-قول اقشا الا الماي، كولدەنەڭ تابىستان قا­عىلدى»، دەپ ەسپتەيدى قالا تۇرعىنى بيبىگۇل تورەحان.

جۇزدەن استام جۇرگىزۋشى مەن كوندۋك­توردىڭ جالاقىنى ءوسىرۋ تۋرالى ماسەلەسى جۇمىس بەرۋشى كومپانيامەن ورتاق كەلىسىمگە كەلۋ ارقىلى شەشىلەرى انىق. دەيتۇرعانمەن وسى ەكى ورتادا مەگاپوليس تۇرعىندارى زارداپ شەگىپ جاتقانى وكىنىشتى.

 

شىمكەنت

 

سوڭعى جاڭالىقتار

الماتى ماڭىندا جەر سىلكىندى

ايماقتار • بۇگىن، 09:35

كوروناۆيرۋستان 9 ادام قايتىس بولدى

قازاقستان • بۇگىن، 09:28

الماتى وبلىسى «قىزىل» ايماققا ءوتتى

كوروناۆيرۋس • بۇگىن، 09:15

سپورت جاڭالىقتارىنا شولۋ

سپورت • بۇگىن، 09:07

ساراننىڭ ۇزىن ساكىسى

قازاقستان • بۇگىن، 09:05

كوبەلەكتەر كورمەسى

ونەر • بۇگىن، 09:04

قارسىلاستار انىقتالدى

سپورت • بۇگىن، 08:59

ءجاۋدىر انا

تانىم • بۇگىن، 08:56

فيزيكالىق ۋران قورىنا قاتىسادى

ەكونوميكا • بۇگىن، 08:46

543 ملرد تەڭگەنىڭ ءونىمى ءوندىرىلدى

ەكونوميكا • بۇگىن، 08:44

باسقا باسىلىمدارعا شولۋ

الەم • بۇگىن، 08:41

ءۇش جىلدىق بيۋدجەت ماقۇلداندى

ساياسات • بۇگىن، 08:25

ۇلكەن قالادا اداسۋ

رۋحانيات • بۇگىن، 01:10

«قاراگوز» جاسىرعان شىندىق

ونەر • بۇگىن، 00:49

اقىل الىبى

رۋحانيات • كەشە

شىعىستانۋدىڭ بيىك شىنارى

ايەل الەمى • كەشە

بەيقامدىق بەلەڭ الىپ تۇر

كوروناۆيرۋس • كەشە

ۇقساس جاڭالىقتار