ميشۋستين جۇماداعى قازاقستانعا ساپارى اياسىندا الماتى تسيفرلىق فورۋمىنا-2021 جانە ەۋرازيالىق ۇكىمەتارالىق كەڭەستىڭ وتىرىسىنا قاتىسادى دەپ كۇتىلۋدە, دەپ حابارلادى رەسەي مينيسترلەر كابينەتىنىڭ ءباسپاسوز قىزمەتى .
وتىرىسقا ارمەنيا, بەلارۋسسيا, قازاقستان, قىرعىزستان جانە رەسەي ۇكىمەت باسشىلارى قاتىسادى. رەسەي مينيسترلەر كابينەتىنىڭ حابارلاۋىنشا, تاراپتار ەاەو ىشكى نارىعىنىڭ جۇمىس ىستەۋى, كەدەندىك-تاريفتىك رەتتەۋ جانە يننوۆاتسيالىق جوبالاردى ىسكە اسىرۋعا قاتىستى جۇمىستاردى تالقىلايتىن بولادى.
دەنساۋلىق ساقتاۋ مينيسترلىگىنىڭ حابارلاۋىنشا, ەۋرازيالىق ۇكىمەتارالىق كەڭەستىڭ وتىرىسى قاتاڭ سانيتارلىق نورمالاردى ساقتاي وتىرىپ وتەدى - شەكارادان وتكەن بارلىق قاتىسۋشىلاردىڭ COVID-19 سىناعىنىڭ تەرىس ناتيجەسى تۋرالى كۋالىگى بولۋى كەرەك. سونىمەن قاتار ءىس-شارانى ۇيىمداستىرۋشىلار ماسكا رەجيمى مەن الەۋمەتتىك ديستانتسيانى ساقتاۋى كەرەك. جينالىستار وتەتىن بولمەلەر ۇنەمى جەلدەتىلىپ, وڭدەلۋى كەرەك. ءىس-شارا فەلدشەرلەردىڭ ۇنەمى باقىلاۋىمەن وتەدى. ەۋرازيالىق ەكونوميكالىق وداق (ەاەو) - 2015 جىلدان باستاپ جۇمىس ىستەپ كەلە جاتقان حالىقارالىق ەكونوميكالىق ينتەگراتسيالىق بىرلەستىك, ونىڭ مۇشەلەرى قازىر رەسەي, ارمەنيا, بەلارۋسسيا, قازاقستان جانە قىرعىزستان.
2021 جىلى قاۋىمداستىققا قازاقستان توراعالىق ەتەدى. مولدوۆا ەاەو-دا 2018 جىلدىڭ مامىرىنان باستاپ باقىلاۋشى, ال وزبەكستان مەن كۋبا 2020 جىلدىڭ جەلتوقسانىندا باقىلاۋشى مارتەبەسىن الدى.
