ايماقتار • 04 اقپان، 2021

قىزىلوردادا 300-دەن اسا قىزمەتكەر 4 ايدان بەرى جالاقىسىز وتىر

100 رەت كورسەتىلدى

قىزىلوردا قالاسىندا «ۇشقىن» مۇگەدەكتەر وقۋ-وندىرىستىك كاسىپورنىنىڭ 300-دەن اسا قىزمەتكەرى 4 ايدان بەرى جالاقىسىز وتىر، دەپ حابارلايدى Egemen.kz

مالىمەتتەرگە سايكەس مۇمكىندىگى شەكتەۋلى ازاماتتار قىزمەت اتقاراتىن كاسىپورىننىڭ جۇمىسى تۇرالاپ قالعان.

9 جىل بويى كاسىپورىن قىزمەت كورسەتۋ نارىعىندا بەلسەندىلىگىن كورسەتتى. اتاۋلى ەڭبەكتەرىنىڭ ارقاسىندا ولار «ۇزدىك ساپا» سەرتيفيكاتىن العان. دەسە دە بىلتىردىن بەرى مەكەمە ونىمدەرىنە سۇرانىس جوق.

كاسىپورىن بەرتىنگە دەيىن ۇزدىكسىز تاپسىرىستار قابىلداعان. سونىڭ ىشىندە تۇرمىستىق زاتتار، قالا تۇرعىندارىنا ارنالعان ءارتۇرلى كيىم ۇلگىلەرىن تىككەن. الايدا مەكەمە تىگىنشىسى بۇگىندە، ءتىپتى، ءجىپ ۇستامايتىندارىن العا تارتادى. ونىڭ ايتۋىنشا، تسەحتا 95 پايىز مۇمكىندىگى شەكتەۋلى ازاماتتار ىستەيدى.

وسى ورايدا كاسىپورىن باسشىسى بار ماسەلە – نەسيەلىك شىعىندارعا قاتىستى ەكەنىن ايتىپ ءوتتى.

«مۇمكىندىگى شەكتەۋلى ازاماتتارعا 7 ملن تەڭگە قارىزىمىز بار. ودان بولەك، باسقا مەكەمەلەردەن قارىزعا زات الدىق. وعان دا 6 ملن تەڭگە بەرەشەگىمىز بار»، دەيدى كاسىپورنى باسشىسى ابزال مەڭدياروۆ.

وسى ورايدا مۇگەدەكتەر كاسىپورنى مەملەكەتتەن جەڭىلدىك الۋعا مۇمكىندەرى بار. سەبەبى مەملەكەتتىك ساتىپ الۋ زاڭىنا سايكەس مۇمكىندىگى شەكتەۋلى ازاماتتارعا بەلگىلەنگەن جۇمىس ءتارتىبى بار.

 

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار