«كەيدە كەڭەستىڭ جابىق ەسىكتەرىنىڭ ارتىندا بەس ەلدىڭ «باتىرلار شايقاسى» ءورشىپ تۇرادى, سول سەبەپتى ەلدەر وزدەرىنىڭ ۇلتتىق مۇددەلەرىن قۇلشىنىسپەن قورعايدى», دەيدى باقىت سۇلتانوۆ.
مينيستر وسى رەتتە بىرنەشە رەت ديپلوماتيالىق قۇپيالاردىڭ پەردەلەرىن اشۋعا تىرىسقانىن, قازاقستان ءۇشىن ماڭىزدى پوزيتسيالار ءۇشىن قالاي كۇرەسەتىنىن دە ايتىپ ءوتىپتى.
«جالپى, جۇما كۇنى وتە قىزۋلى كەزدەسۋ بولادى. تاعى ءبىر ماڭىزدى وقيعا جوسپارلانۋدا. ەاەو تاريحىندا ءبىرىنشى رەت ەۋرازيالىق ەكونوميكالىق كوميسسيا القاسىنىڭ بارلىق مۇشەلەرى (ەەك مينيسترلەرى) ءبىزدىڭ بەس ەلدىڭ جۋرناليستەرىنە ەسەپ بەرەدى», دەيدى مينيستر.
سونداي-اق مينيستر مۇنداي ۇلكەن جيىندار الدىندا الەۋمەتپەن تىلدەسۋ يدەياسى پرەزيدەنتىمىز توقاەۆقا تيەسىلى ەكەنىن ايتا كەتىپتى.
– ەۋرازيالىق بەستىكتىڭ مەملەكەت باسشىلارىنىڭ كەزدەسۋىندە پرەزيدەنتىمىز كوميسسيانىڭ مينيسترلەرىنە ۇلتتان تىس شەنەۋنىكتەر ەكەنىن ايتىپ, «حالىقپەن كەزدەسۋ» كەرەكتىگىن ەسكەرتتى. شىندىعىندا بارلىق شاعىمداردى جۋرناليستەردەن ارتىق كىم بىلەدى؟ – دەپ ويىن تۇيىندەپتى مينيستر.
سونىمەن مينيستر باقىت سۇلتانوۆ ايتىپ وتكەندەي, پاندەميا جاعدايىنا قاراماستان وتكەلى تۇرعان «بەس ەلدىڭ باتىرلارىنىڭ» شايقاسىندا قاي ەلدىڭ ءباسى باسىم بولارىن بۇگىن-ەرتەڭ بىلەتىن بولامىز.
