يندەربور كەنتى – يندەر اۋدانىنىڭ ورتالىعى. كەنتتىڭ وڭتۇستىك باتىس بولىگىندەگى كوكتەم شاعىن اۋدانىندا كوپ قاباتتى 20 تۇرعىن ءۇي سالىناتىنى جوسپارلانىپ وتىر. بۇعان قوسا 4 الەۋمەتتىك نىسان سالىنادى. وسى ماقساتقا 35 گەكتار جەر ۋچاسكەسى ءبولىنىپتى.
«جاڭادان سالىناتىن تۇرعىن ۇيلەردە 1 292 پاتەر بولادى. قازىر 5 قاباتتى 80 پاتەرلىك ءبىر, 4 قاباتتى 48 پاتەرلىك 4 تۇرعىن ءۇيدىڭ قۇرىلىس جۇمىستارىمەن قاتار, ينجنەرلىك-كوممۋنيكاتسيالىق ينفراقۇرىلىم جەلىلەرى جۇرگىزىلۋدە. بۇعان قوسا 5 قاباتتى 80 پاتەرلىك 2 تۇرعىن ءۇيدىڭ قۇرىلىسىن جۇرگىزەتىن مەردىگەر مەكەمە انىقتالىپ, كەلىسىمشارت جاسالدى» دەيدى مەيىرىم قالاۋي.
اكىمنىڭ اقپاراتىنا قاراعاندا, قازىر اۋداندا 13 جوبانىڭ قۇرىلىسى قولعا الىنىپتى. ونىڭ ىشىندە «كوكتەم» قازاق ورتا مەكتەبىنىڭ 80 ورىندىق جاپسارجايى مەن ينجەنەرلىك جەلىسى, يندەربور كەنتىندەگى سپورتتىق ويىن الاڭدارى, جارسۋات اۋىلىنداعى دەنە شىنىقتىرۋ-ساۋىقتىرۋ كەشەنى, 4 قاباتتى 48 پاتەرلىك 4 تۇرعىن ۇيگە دەيىنگى سۋ جانە كارىز جەلىسى سالىنىپ جاتىر.
