ەستەرىڭىزگە سالا كەتەيىك, ۇكىمەتتىڭ 2021 جىلعى 19 قاڭتارداعى قاۋلىسىمەن بەكىتىلگەن بىرىڭعاي جيناقتاۋشى زەينەتاقى قورىنان مىندەتتى زەينەتاقى جارنالارى, مىندەتتى كاسىپتىك زەينەتاقى جارنالارى ەسەبىنەن قالىپتاسقان زەينەتاقى تولەمدەرىن, بىرجولعى زەينەتاقى تولەمدەرىن تۇرعىن ءۇي جاعدايلارىن جاقسارتۋ جانە (نەمەسە) ەمدەلۋگە اقى تولەۋ ماقساتىندا جۇزەگە اسىرۋ, ولاردى بىرىڭعاي جيناقتاۋشى زەينەتاقى قورىنا قايتارۋ قاعيدالارى 2021 جىلعى 30 قاڭتاردا كۇشىنە ەندى.
قاعيدالارعا سايكەس, جيناقتاردى ۋاكىلەتتى وپەراتورعا اۋدارۋ ۋاكىلەتتى وپەراتوردان بجزق-عا سالىمشىنىڭ ءوتىنىشى كەلىپ تۇسكەننەن كەيىنگى 5 جۇمىس كۇنى ىشىندە جۇزەگە اسىرىلادى.
ازاماتتاردىڭ ءوتىنىم بەرۋگە جانە زەينەتاقى جيناقتارىن تۇرعىن ءۇي جاعدايلارىن جاقسارتۋ جانە (نەمەسە) ەمدەلۋگە اقى تولەۋ ءۇشىن نىسانالى پايدالانۋ شارتتارىنا بايلانىستى بارلىق ماسەلەلەرىن ۋاكىلەتتى وپەراتور ء«بىر تەرەزە» قاعيداتى بويىنشا قارايدى جانە بجزق-عا جەكە ءوتىنىش بەرۋ تالاپ ەتىلمەيدى.
