ماسەلەن, اباي جانە قاراتاۋ اۋداندارىنىڭ تۇرعىندارى جەرىن زاڭداستىرۋ جانە ءوز جەر تەلىمىن قايتارىپ الۋ تۇرعىسىندا ساۋالىن قويىپ, كومەك سۇرادى. ولارعا قالا اكىمى جەردى راسىمدەۋ باعىتىندا تۇسىندىرمە جاسادى.
ال, بوزارىق-2 شاعىن اۋدانىنىڭ تۇرعىنى الماسحان ەسپاەۆ قوعامدىق كولىكتەردىڭ كەستەسىن قايتا جاساۋدى, شاعىن اۋدانداعى جول ءجۇرۋ باعىتتارىن ۇزارتۋ جونىندە ءوتىنىش ءبىلدىردى.
- «بوزارىق شاعىن اۋدانىنا قاتىنايتىن №171 اۆتوبۋس باعىتىنىڭ قوزعالىس سىزباسىنا وزگەرىس ەنگىزىلىپ, بوزارىق-2 شاعىن اۋدانىنداعى بالاباقشاعا دەيىن ۇزارتىلدى. بۇگىندە №171 اۆتوبۋس بالاباقشاعا دەيىن تاسىمالداۋ قىزمەتىن اتقارىپ جاتىر. الداعى ۋاقىتتا دا قوعامدىق كولىك سالاسىندا كوپتەگەن وزگەرىستەر بولادى. قوزعالىس باعىتتارى بارىنشا وڭتايلاندىرادى. شىمكەنت – ۇلكەن مەگاپوليس, حالىق سانى ارتىپ, قالا اۋماعى كەڭەيگەن. ءبىر نارسەنى ءتۇسىنۋ كەرەك, تۇرعىنداردىڭ بارلىعىنىڭ ەسىك الدىنا ايالداما ورناتىپ بەرۋ مۇمكىن ەمەس. شالعاي اۋدانداردا اۆتوبۋستار ورتالىق كوشەلەردە جۇرەتىن بولادى», دەدى مۇرات ايتەنوۆ.
ءوز كەزەگىندە ازامات ماسەلەسىنىڭ شەشىمىن تاپقاندىعىنا العىسىن ءبىلدىردى.
سونىمەن قاتار, قالا اكىمى ازاماتتاردى قابىلداۋ بارىسىندا اكىمدىك تەك زاڭعا سايكەس كومەك كورسەتە الاتىنىن, مەملەكەتتىك قوردان پاتەرلەر كەزەك بويىنشا بەرىلەتىندىگىن باسا ايتىپ ءوتتى.
