زاڭ جوباسىن تالقىلاۋعا الماتى, جامبىل, قىزىلوردا, تۇركىستان وبلىستارى مەن شىمكەنت قالاسىنىڭ ازاماتتىق قوعام وكىلدەرى قاتىستى.
ۆيتسە-مينيستر بولات تلەپوۆ ءوز سوزىندە زاڭ جوباسىن ىسكە اسىرۋدىڭ نەگىزگى باعىتتارى مەن تەتىكتەرىنە توقتالىپ, زاڭ جوباسىنىڭ نەگىزگى ماقساتى قوعامدىق باقىلاۋ جۇيەسىنىڭ قۇقىقتىق نەگىزىن قۇرۋ ەكەندىگىن حابارلادى.
تالقىلاۋ بارىسىندا «جامبىل وبلىسىنىڭ ازاماتتىق اليانس اسسوتسياتسياسى» زتب توراعاسى زايتجان يۋلداشەۆ زاڭ جوباسىندا وبەكت پەن سۋبەكت اراسىنداعى ايىرماشىلىقتىڭ سيپاتتاماسى ەسكەرىلمەگەندىگىن جانە قوعامدىق باقىلاۋ سۋبەكتىلەرىنىڭ قاتارىندا تاۋەلسىز باق وكىلدەرىنىڭ ساناتى بولۋى كەرەك ەكەنىن اتاپ ءوتتى.
«جالىن» قب باسشىسى قۇرمەت كەرىمبەكوۆ اتالعان زاڭ قوعامعا قاجەتتى ەكەنىن اتاي كەلە, قوعامدىق باقىلاۋ سۋبەكتىسى قوعامدىق باقىلاۋدى وبەكتىنىڭ رۇقساتىنسىز جۇزەگە اسىرۋعا قۇقىلى بولۋ كەرەك ەكەنىن جانە دە قوعامدىق باقىلاۋدى جۇرگىزۋ قانداي دا ءبىر قاراجاتتى تالاپ ەتۋىنە بايلانىستى, قوعامدىق باقىلاۋ سۋبەكتىلەرى ءۇشىن گرانتتىق قولداۋ تۇرىندە ماتەريالدىق قامتاماسىز ەتۋ ماسەلەسىن ەسكەرۋدى ۇسىندى.
زاڭ جوباسىن تالقىلاۋ بويىنشا كەلەسى وڭىرلىك وتىرىستى شىعىس قازاقستان, پاۆلودار, قاراعاندى وبلىستارىنىڭ قوعام وكىلدەرىمەن وتكىزۋ جوسپارلانۋدا.
ەستەرىڭىزگە سالا كەتەيىك, مەملەكەت باسشىسى قاسىم-جومارت توقاەۆ مەملەكەتتىك ورگاندار مەن كۆازيمەملەكەتتىك سەكتوردىڭ قوعامعا اشىقتىعى مەن ەسەپ بەرۋىن قامتاماسىز ەتۋ ماقساتىندا «قوعامدىق باقىلاۋ تۋرالى» زاڭدى ازىرلەۋ جانە قابىلداۋ تاپسىرىلعان بولاتىن.
