بۇگىن م.بوكەنباەۆ اتىنداعى قر ءىىم اقتوبە زاڭ ينستيتۋتىنىڭ ەلەكتروندى مەكەنجايىنا ينستيتۋت عيماراتىنا جارىلعىش زاتتار سالىنعانى جانە رف بانكتەرىنىڭ ءبىرىنىڭ كارتاسىنا 1,3 ملن رۋبل اۋدارۋ تالابى تۋرالى حابارلاما كەلىپ ءتۇستى.
بارلىق شۇعىل قىزمەتتەر دەرەۋ وقيعا ورنىنا شىقتى, وقۋشىلاردى, وقىتۋشىلار مەن ەرىكتى جالدانۋشى قۇرامدى ەۆاكۋاتسيالاۋ ۇيىمداستىرىلدى. بارلىعى 474 ادام ەۆاكۋاتسيالاندى. ارنايى بولىمشە ساپەرلەرى جارىلىس قۇرىلعىلارىن انىقتاۋ ءۇشىن بارلىق عيماراتقا تەكسەرۋ جۇرگىزدى. جارىلعىش قۇرىلعىلار تابىلعان جوق.
اتالعان فاكتى بويىنشا قر قك 273-بابى (تەرروريزم اكتىسى تۋرالى كورىنەۋ جالعان حابارلاۋ) بويىنشا سوتقا دەيىنگى تەرگەۋ باستالدى. وسى باپتىڭ سانكتسياسى بەس جىلعا دەيىن باس بوستاندىعىنان ايىرۋدى كوزدەيدى. پوليتسيا دەپارتامەنتى كۇدىكتىنى انىقتاۋعا جانە ۇستاۋعا باعىتتالعان جەدەل ءىس-شارالار جۇرگىزۋدە.
