اتاپ ايتقاندا, دەپۋتاتتار اۋداندىق, قالالىق جانە اۋىلدىق بيلىك دەڭگەيلەرىنىڭ دەربەستىگى مەن جاۋاپكەرشىلىگىن كەڭەيتۋ ماسەلەلەرىنە قاتىستى زاڭ جوباسىن ءبىرىنشى وقىلىمدا ماقۇلدادى. جاڭا زاڭ جوباسىنا سايكەس, ەندى اۋىلدىق وكرۋگتەردىڭ بيۋدجەتتەرى سالىقتاردىڭ جاڭا ءتورت تۇرىنەن تۇسەتىن تۇسىمدەر ەسەبىنەن ۇلعايتىلاتىن بولادى.
ءماجىلىس توراعاسى نۇرلان نىعماتۋلين اتاپ وتكەندەي, بۇل جەرگىلىكتى بيۋدجەتتەردىڭ دەربەستىگىن دامىتۋدىڭ جاڭا كەزەڭى, ول اۋىلدىڭ الەۋمەتتىك ماسەلەلەرىن جەدەل شەشۋگە مۇمكىندىك بەرەدى.
سونىمەن قاتار, نۇرلان نىعماتۋلين بيۋدجەت قاراجاتىن ءتيىمدى اكىمشىلەندىرۋدىڭ ماڭىزدىلىعىن جانە اكىمدەردى دايىنداۋ دەڭگەيىنىڭ قاجەتتىگىن اتاپ ءوتتى.
ايتا كەتۋ كەرەك, 2018 جىلى قابىلدانعان جەرگىلىكتى ءوزىن-ءوزى باسقارۋ تۋرالى زاڭعا سايكەس, بولىنگەن قاراجات ءبىرىنشى كەزەكتە قايدا جۇمسالاتىندىعى اۋىل تۇرعىندارىنىڭ جينالىسىندا انىقتالاتىن. ال, جاڭا زاڭ جوباسى بويىنشا اكىم اپپاراتىنا ءوز بيۋدجەتتەرىن 20%-دان اسپايتىن مولشەردە تۇزەتۋگە مۇمكىندىك بەرىلەدى, بيۋدجەتتى راسىمدەرى بەكىتۋ وڭايلاتىلادى, سونداي-اق, مەنشىكتى تۇسىمدەر كولەمىنىڭ 10%-نان اسپايتىن مولشەردە اۋىلدىق بيۋدجەت رەزەرۆىن قۇرۋ كوزدەلەدى.
سونداي-اق, زاڭ جوباسىندا ءماسليحاتتار دەپۋتاتتارىنا قوسىمشا قۇقىقتار مەن مىندەتتەر بەرۋ جانە ءماسليحاتتار حاتشىلارىنىڭ قۇقىقتىق مارتەبەسىن ارتتىرۋ ۇسىنىلادى. بۇگىنگى جالپى وتىرىستا دەپۋتاتتار «سۋعا باتىپ كەتكەن كەمەلەردى جويۋ تۋرالى 2007 جىلعى نايروبي حالىقارالىق كونۆەنتسياسىن راتيفيكاتسيالاۋ تۋرالى» زاڭ جوباسىن ماقۇلدادى. كونۆەنتسيانىڭ نەگىزگى ماقساتى سۋعا باتىپ كەتكەن كەمەلەردى تەز ءارى ءتيىمدى تۇردە جويۋ جانە كەمە يەسىنىڭ شەككەن شىعىستار مەن كەلتىرىلگەن زالال ءۇشىن وتەماقى تولەۋى جونىندەگى بىرىڭعاي حالىقارالىق قاعيدالار مەن راسىمدەردى ازىرلەۋ جانە ەنگىزۋ بولىپ تابىلادى.
كونۆەنتسيا كونۆەنتسياعا قاتىسۋشى مەملەكەتتىڭ تۋىن كوتەرىپ جۇزەتىن نەمەسە كونۆەنتسياعا قاتىسۋشى مەملەكەتتىڭ ايرىقشا ەكونوميكالىق ايماعىنا كىرەتىن, جالپى سىيىمدىلىعى 300 جانە ودان كوپ تىركەلىمدىك توننا بارلىق تەڭىز كەمەلەرىنە قولدانىلادى. كونۆەنتسيا سۋعا باتىپ كەتكەن م ۇلىكتى جويۋ ءۇشىن ازاماتتىق جاۋاپتىلىقتى مىندەتتى ساقتاندىرۋ جانە تۋ مەملەكەتىنەن ساقتاندىرۋ ءپوليسىنىڭ بار ەكەنىن راستايتىن كۋالىك الۋ جۇيەسىن ەنگىزەدى, سونداي-اق ساقتاندىرۋشىعا وتەماقى بويىنشا تىكەلەي تالاپتار قويۋعا قۇقىق بەرەدى. ماسەلەن, كونۆەنتسيانىڭ 5-بابىندا كەمە كاپيتانىنىڭ, كەمە يەسىنىڭ نە سۋعا باتىپ كەتكەن م ۇلىكتىڭ مەنشىك يەسىنىڭ ءوزىنىڭ سۋعا باتىپ كەتكەن مۇلكى تۋرالى حابارلاۋ مىندەتتەرى بەلگىلەنەدى جانە مۇنداي حابارلامالاردى بەرۋ ءتارتىبى رەگلامەنتتەلەدى.
سونىمەن قاتار پالاتا دەپۋتاتتارى «قازاقستان رەسپۋبليكاسى مەن بولگاريا رەسپۋبليكاسى اراسىنداعى سوتتالعان ادامداردى بەرۋ تۋرالى شارتتى راتيفيكاتسيالاۋ تۋرالى» زاڭ جوباسىن ماقۇلدادى.
شارتقا سايكەس تاراپتار سوتتالعان ادامداردى بەرۋگە قاتىستى بارلىق جاعدايلاردا ءوزارا ىنتىماقتاستىقتى جۇزەگە اسىرادى. قۇجاتتا سوتتالعان ادامداردى بەرۋدىڭ جانە ودان باس تارتۋدىڭ ناقتى نەگىزدەرى كوزدەلگەن. شارتتى راتيفيكاتسيالاۋ سوتتالعان ادامداردى ولاردىڭ ازاماتتىعى تيەسىلى قوعامعا قايتا ينتەگراتسيالاۋعا ىقپال ەتەتىن بولادى.
وتىرىس سوڭىندا ءماجىلىس دەپۋتاتتارى مەملەكەتتىك ورگاندار باسشىلارىنا دەپۋتاتتىق ساۋالدار جولدادى. ولار: ا.جامالوۆ, ا.ميليۋتين, ب.دۇيسەنبينوۆ, س.يماشەۆا, ج.احمەتبەكوۆ, س.ەرۋباەۆ, ا.قوڭىروۆ, س.رەشەتنيكوۆ, م.رامانقۇلوۆ, ق.يسا, ع.امىرەەۆ, ا.ليننيك, ل.پاۆلوۆەتس.
