ەندى ەو اۋماعىنا اۋرۋدىڭ مينيمالدى ستاتيستيكاسى بار جانە وڭتۇستىكافريكالىق, بريتاندىق نەمەسە برازيليالىق جاڭا شتامداردى جۇقتىرۋ جاعدايلارى جوق مەملەكەتتەردىڭ تۇرعىندارى عانا كىرە الادى.
اۆستريا – كارانتيندى جەڭىلدەتىپ جاتقان جالعىز ەۋروپالىق ەل. وندا دۇكەندەر, مۇراجايلار مەن حايۋاناتتار باعى كەزەڭ-كەزەڭىمەن اشىلا باستايدى. ءار ءتۇرلى مەكەنجايلاردا تۇراتىن ادامداردىڭ قايتادان كەزدەسۋلەرىنە بولادى, بىراق ازىرگە ءبىر ۋاقىتتا ەكى وتباسىدان اسپايدى. قوعامدىق ورىنداردا ماسكا كيۋ مىندەتتى بولىپ قالا بەرەدى, حالىقتى قارقىندى تەستىلەۋ جالعاسادى.
ۇلىبريتانيادا covid-19 جاپپاي تەستىلەۋ ناۋقانى باستالادى, شارا بارىسىندا ارنايى بريگادالار ۆيرۋستىڭ سوڭعى نۇسقالارى انىقتالعان اۋداندارداعى ۇيلەردى ارالاپ, ادامنىڭ اۋرۋ بەلگىلەرى بار-جوعىنا قاراماستان سىناقتار جۇرگىزەدى. ءبىرىنشى كەزەڭدە ەلدىڭ سەگىز اۋدانىندا 80 مىڭ ادامدى سىناقتان وتكىزۋ جوسپارلانۋدا. ەل بيلىگى بۇل قادامنىڭ جۇقپالىلىعى جوعارى دەپ سانالاتىن كۆي-دىڭ جاڭا وڭتۇستىك افريكالىق شتامىنىڭ تارالۋىن باقىلاۋعا كومەكتەسەتىندىگىنە سەنىمدى.
جاپونيا توكيو مەن ەلدىڭ باسقا ايماقتارىندا توتەنشە جاعداي رەجيمىن تاعى ءبىر ايعا ۇزارتۋ تۋرالى ماسەلەنى قاراستىرۋدا. بيلىك ىندەتتىڭ تارالۋ ستاتيستيكاسى تومەندەگەنىن ايتۋدا, بىراق قاجەتتى ناتيجە ءالى الىس. بۇل پوليتسياعا وسى ۋاقىتقا دەيىن كارانتيندى بۇزۋشىلارعا ايىپپۇل سالۋعا وكىلەتتىك بەرىلمەگەندىگىنە بايلانىستى ورىن العان. سارسەنبى كۇنى جاپونيا پارلامەنتىنىڭ جوعارعى پالاتاسى ۇكىمەتتىڭ كارانتيندىك شەشىمدەرىنە باسقا مارتەبە بەرە الادى دەپ كۇتىلۋدە.
