جالىن 9000 گەكتار اۋماقتى الىپ, 71 ءۇي وتقا ورانعان. سونىمەن قاتار التى ءورت ءسوندىرۋشى جاراقات الدى. بۇل سوڭعى جىلدارى قالا كورگەن ەڭ ۇلكەن ءورت بولىپ وتىر.
قالا باسشىلىعى حالىقتى وقشاۋلانۋعا جانە دايىن بولۋعا شاقىردى.
ايتا كەتەتىن جايت, ءورت دۇيسەنبىدە باستالىپ, پەرت ورتالىعىنان شىعىسقا قاراي 30 شاقىرىم جەردە ءالى كۇنگە دەيىن جانىپ جاتىر. ءورت سالدارىنان جۇزدەگەن اۋستراليالىقتار ەۆاكۋاتسيالىق ورتالىقتاردا تۇنەدى.
سەيسەنبىدە ورتتەن شىققان ءتۇتىن قالانى تۇنشىقتىرىپ, قالا ماڭىنداعى ۇيلەردى كۇلگە اينالدىرعان.
جەرگىلىكتى باق-تىڭ حابارلاۋىنشا, قىزىل جالىندى اۋىزدىقتاۋعا جەل مەن قۇرعاق ءارى ىستىق اۋا رايى دا كەدەرگى كەلتىرىپ وتىر. سونداي-اق بۇل جاعداي ءورتتىڭ ودان دا ۇلكەن اۋماققا تارالۋىنا اكەلۋى مۇمكىن.
ەسكە سالا كەتسەك, اۋستراليادا 2019 جىلدىڭ قىركۇيەگىندە باستالىپ 2020 جىلعا دەيىن جالعاسقان ورمان ورتىنەن جۇزدەگەن ادام قازا تاۋىپ, مىڭداعان ءۇي مەن ميلليونداعان گەكتار جەر جانىپ كەتتى. سونىمەن قاتار, شامامەن 500 ميلليون جانۋار ءولدى.
ايتولقىن مىرزاكاريم
