جاڭا وزگەرىستەر ۇەۇ اراسىندا مەملەكەتتىك گرانتتاردى ءبولۋ بويىنشا كونكۋرستىق راسىمدەردى جەتىلدىرۋگە باعىتتالعان. گرانتتىق جوبالاردى ىسكە اسىرۋدىڭ اشىقتىعى مەن تيىمدىلىگىنە باسا نازار اۋدارىلدى. اتاپ ايتقاندا, ساراپشىلار ءتىزىلىمىن قالىپتاستىرۋ جانە جۇرگىزۋ ءتارتىبى رەگلامەنتتەلگەن. جاڭا قاعيدا بويىنشا ساراپشىلار ءتىزىلىمى 1 جىل مەرزىمگە قالىپتاستىرىلادى جانە كوپشىلىككە جاريالى بولىپ تابىلادى. ساراپتاما كوميسسياسىنىڭ قۇرامى تىزىلىمنەن كەزدەيسوق ادىسپەن ىرىكتەلەتىن بولادى.
ازىرلەۋشىلەردىڭ مالىمەتىنشە, ساراپتاما كوميسسياسىنا گرانتتارعا ءوتىنىش بەرۋشى ۇەۇ وكىلدەرى دە جىبەرىلەدى, بىراق مۇددەلەر قاقتىعىسى تۋىنداعان جاعدايدا داۋىس بەرۋ قۇقىعىنان ايىرىلادى. بۇدان باسقا, ساراپتاما كوميسسيالارىنىڭ وتىرىستارى گرانتتىق قارجىلاندىرۋ سالاسىنداعى وپەراتوردىڭ سايتىندا جانە الەۋمەتتىك جەلىلەرىندە كورسەتىلەتىن بولادى.
تاعى ءبىر جاڭالىق - گرانتتىق جوبالاردىڭ تاقىرىپتارىن قالىپتاستىرۋ پروتسەسىنىڭ جاريالىلىعىن قامتاماسىز ەتۋ بولىپ تابىلادى. كوپشىلىك تالقىلاۋ مەملەكەتتىك ورگانداردىڭ ينتەرنەت رەسۋرستارىندا وتەتىن بولادى. ازاماتتار مەن ۇەۇ ءوز پىكىرلەرىن بىلدىرە الادى. بولاشاق گرانتتاردىڭ تاقىرىپتارى وسى تالقىلاۋلار نەگىزىندە جوسپارلاناتىن بولادى.
سونداي-اق, قاعيدالاردا گرانتتىق جوبالاردى ىسكە اسىرۋ تيىمدىلىگىن باعالاۋ تەتىگى بار مونيتورينگ راسىمدەرى ايقىندالىپ, كونكۋرستىق راسىمدەردى وتكىزۋ مەرزىمدەرى رەگلامەنتتەلگەن. ەگەر بۇرىن كونكۋرستىق راسىمدەردى وكىزۋ مەرزىمى 79 كۇنگە دەيىن بولسا, جاڭا قاعيدالارعا سايكەس مەرزىمدەر 2 ەسەگە - 40 كۇنگە دەيىن قىسقارتىلدى. سونداي-اق, وتىنىمدەردى قابىلداۋ مەرزىمدەرى رەگلامەنتەلىپ, 20 (جيىرما) جۇمىس كۇنىن قۇرايدى, كونكۋرس قايتا جاريالانعان كەزدەگى مەرزىم 10 (ون) جۇمىس كۇنىن قۇرايدى.
سونىمەن قاتار, قاعيدالار مەملەكەتتىك ەمەس گرانتتار بەرۋ راسىمدەرىن دە رەگلامەنتتەيدى.
قۇجاتقا ەنگىزىلگەن وزگەرتۋلەردىڭ تولىق ماتىنىمەن كەلەسى سىلتەمە بويىنشا تانىسۋعا بولادى.
