ۇلتتىق ساراپتاما ورتالىعىنىڭ ماماندارى رەسەيلىك «چينكوۆا» جك (چەليابى وبلىسى) ۇسىنعان «پرەميۋم» پىسىرىلگەن شۇجىعىنان پاتوگەندى ستافيلوكوكك تاپقان. سونداي-اق قوستاناي وبلىسى بويىنشا ۇسو ماماندارى رەسەيلىك ءوندىرۋشى «سميرنوۆ» جك (چەليابى وبلىسى) ونىمدەرىنىڭ «كوتلەتنىي» برويلەر-بالاپاندار ەتىنەن جاسالعان جارتىلاي فابريكاتىنان ىشەك تاياقشاسى توبىنىڭ باكتەرياسىن انىقتادى. مۇنداي باكتەريا «ساران كونسەرۆى زاۋىتى» اق (موردوۆيا رەسپۋبليكاسى, رەسەي) وندىرەتىن قويىلتىلعان ءسۇت سىنامالارىنان دا تابىلدى.
ۇلگىلەردى قاڭتاردا حالىق تۇتىناتىن تاۋارلار ساپاسىنىڭ مونيتورينگى اياسىندا قوستاناي وبلىسى بويىنشا سانيتارلىق-ەپيدەميولوگيالىق باقىلاۋ دەپارتامەنتى ساتىپ الدى.
«بۇل زەرتتەلگەن ءونىم كەدەن وداعىنىڭ تەحنيكالىق رەگلامەنتتەرىنىڭ («تاماق ونىمدەرىنىڭ قاۋىپسىزدىگى تۋرالى» كو تر 021/2011, «ەت جانە ەت ونىمدەرىنىڭ قاۋىپسىزدىگى تۋرالى» كو تر 034/2013, ء«سۇت جانە ءسۇت ونىمدەرىنىڭ قاۋىپسىزدىگى تۋرالى» كو تر 033/2013) تالاپتارىنا سايكەس كەلمەيدى. قازىر سانيتارلىق-ەپيدەميولوگيالىق باقىلاۋ دەپارتامەنتى دەنساۋلىققا قاۋىپتى ونىمدەردى الۋ جانە جويۋ بويىنشا شارالاردى قابىلداۋدا.
