وبلىستىق دەنساۋلىق ساقتاۋ باسقارماسىنىڭ باسشىسى اسحان بايدۋاليەۆتىڭ مالىمەتىنشە, ۆاكتسينالار ارنايى دايىندالعان ەكپە سالۋ ورتالىقتارىنا تاراتىلادى. ءبىرىنشى كەزەكتە ۆاكتسينانى ينفەكتسيالىق ستاتسيونارلار مەن رەانيماتسيالىق بولىمشەلەردىڭ, جەدەل جاردەم ستانساسىنىڭ مەديتسينا قىزمەتكەرلەرىنە سالۋ جوسپارلانىپ وتىر. سونداي-اق سانيتارلىق-ەپيدەميالىق باقىلاۋ دەپارتامەنتىنە قاراستى باسقارمالاردىڭ قىزمەتكەرلەرى الادى. ۆاكتسينا سالۋ ءۇشىن 144 قىزمەتكەر ارنايى كۋرستان ءوتتى.
اتىراۋ قالاسىنداعى №3 ەمحانادا «سپۋتنيك V» ۆاكتسيناسىن العاش سالدىرعانداردىڭ قاتارىندا وبلىس اكىمىنىڭ ورىنباسارى باقىتگۇل حامەنوۆا, وبلىستىق دەنساۋلىق ساقتاۋ باسقارماسىنىڭ باسشىسى اسحان بايدۋاليەۆ, وبلىستىق سانيتارلىق-ەپيدەميالىق باقىلاۋ دەپارتامەنتىنىڭ باسشىسى مادەنيەت تاناۋوۆ, وبلىستىق ونكولوگيالىق ديسپانسەردىڭ ديرەكتورى ەلميرا ساپاروۆا جانە وبلىستىق اۋرۋحانا ديرەكتورى ەربول يمانعاليەۆ بار.
– دارىگەرلەر ۆاكتسينا سالماس بۇرىن دەنە قىزۋىمدى ولشەدى. ۆاكتسينا سالۋعا ارنالعان كابينەتتەن شىققاننان كەيىن دارىگەردىڭ باقىلاۋىندا بولدىم. قازىر جاعدايىم قالىپتى, ءوزىمدى جاقسى سەزىنىپ تۇرمىن. ەندى 21 كۇننەن كەيىن ۆاكتسينانىڭ ەكىنشى بولىگىن الامىن, – دەدى وبلىس اكىمىنىڭ ورىنباسارى باقىتگۇل حامەنوۆا.
اتىراۋ وبلىسى
