وتكەن جىلى 14 800 توننا جوعارى رەپرودۋكتسيالى كۇرىش تۇقىمى ءوندىرىلىپ, ونىڭ 7321 تونناسى ساتىلدى.
بۇگىندە "ماعجان ي ك" جشس جانە "ى.جاحاەۆ اتىنداعى قازاق كۇرىش شارۋاشىلىعى" جشس-تەرىندە جوڭىشقانىڭ ءبىرىنشى رەپرودۋكتسيالى جانە ەليتالىق تۇقىمدارىن ءوندىرىپ ساتۋمەن اينالىسۋعا ستاتۋستارى بار. دەگەنمەن, ءارتۇرلى سەبەپتەرگە بايلانىستى اتالعان شارۋاشىلىقتار قاجەتتى دەڭگەيدە جوڭىشقا تۇقىمىن دايىنداي الماي كەلەدى.
2019 جىلى تامىز ايىندا ينستيتۋت بازاسىندا ءارتاراپتاندىرۋ داقىلدارى - ماقسارى, ارپا بيداي, س ۇلىنىڭ بىرەگەي تۇقىمدارىنىڭ تۇقىم شارۋاشىلىعى اشىلدى. "ماعجان ي ك" جشس بازاسىندا بيىل وسى داقىلداردىڭ ەليتالىق جانە ءبىرىنشى رەپرودۋكتسيالى تۇقىمىن ءوندىرىپ ساتۋعا تۇقىم شارۋاشىلىعى اشىلماق.
سونىمەن قاتار 2018 جىلى شيەلى اۋدانىنا قاراستى "توڭكەرىس ك" شق بازاسىندا ماقسارى داقىلىنىڭ ەليتالىق تۇقىم شارۋاشىلىعى, 2019 جىلى تامىز ايىندا جاڭاقورعان اۋدانى "سىر تابيعاتى" جشس بازاسىندا جەمىس اعاشتارىنىڭ ەليتالىق كوشەتتەرىن ءوندىرىپ ساتۋمەن اينالىساتىن تۇقىم شارۋاشىلىعى اشىلدى.
الداعى ۋاقىتتا وسى شارۋاشىلىقتار اۋىل شارۋاشىلىق قۇرىلىمدارىن ءارتاراپتاندىرۋ داقىلدارىنىڭ جوعارى ساپالى تۇقىمدارمەن قامتاماسىز ەتۋگە جۇمىس جاسايتىن بولادى.
تۇقىم شارۋاشىلىعىن مەملەكەتتىك قولداۋدىڭ ارقاسىندا جىلما جىل سەبىلگەن تۇقىمنىڭ ساپاسى ارتىپ كەلەدى. وتكەن جىلى وبلىس بويىنشا 89 492 گەكتار ەگىس كولەمىنە 100% جوعارى رەپرودۋكتسيالى 23 131 توننا كۇرىش تۇقىمى سەبىلدى. سەبىلگەن تۇقىم سورتتاردىڭ ىشىندە وتاندىق سورتتاردىڭ ۇلەسى 12%-دى قۇرادى.
سوڭعى جىلدارى «ى. جاحاەۆ اتىنداعى قازاق كۇرىش عزي» جشس عالىمدارىنىڭ شىعارعان وتاندىق كۇرىش سورتتارىنىڭ قاتارى «ايكەرىم», «سىر سۇلۋى» سورتتارىمەن تولىقتىرىلدى. اتالعان سورتتار قازىرگى كەزدە سورت سىناعىنان ءوتىپ, قازاقستان رەسپۋبليكاسىندا ۇسىنىلعان سەلەكتسيالىق جەتىستىكتەردىڭ مەملەكەتتىك تىزبەسىنە ەندى. بۇل سورتتار 2020 جىلى 1 156 گا جەرگە ورنالاستىرىلدى.
2021 جىلدىڭ كۇرىش ەگىسىنە 22 244 توننا تۇقىم دايىندالدى. بۇل قاجەتتىلىكتەن 1144 تونناعا ارتىق.
