اۋدانداعى 36 ەلدىمەكەن تابيعي گازبەن قامتىلعان. ياعني, 133 مىڭنان اسا تۇرعىننىڭ 66 %-ى تابيعي گازدى پايدالانادى. وتكەن جىلى اۋدان ورتالىعى مىرزاكەنت كەنتىندەگى ەنەرگەتيكتەر كوشەسىن گازداندىرۋ ءۇشىن وبلىستىق بيۋدجەتتەن 46,2 ميلليون تەڭگە قارجى قارالىپ, مەردىگەر تاراپىنان قۇرىلىس-مونتاج جۇمىستارى جۇرگىزىلگەن. قازىرگى تاڭدا تابيعي گازدى ۇيلەرگە قوسۋ جۇمىستارى اتقارىلۋدا.
سونىمەن قاتار جاڭاجول مەن نۇرلىباەۆ اۋىلدىق وكرۋگتەرىن تولىق گازبەن قامتۋ ءۇشىن 2,2 ميلليارد تەڭگە ءبولىنۋ ءۇشىن جانە تاعى 9 ەلدىمەكەندى گازبەن قامتۋعا قۇجات ازىرلەنىپ, وبلىستىق سالالىق باسقارمالارعا قارجى ءبولدىرۋ ماقساتىندا ۇسىنىلعان.
ايتا كەتەيىك, «وڭتۇستىك جارىق ترانزيت» جشس-ءنىڭ ينۆەستيتسيالىق جوبالارى اياسىندا 2020 جىلى ماقتاارال اۋدانىندا جالپى 50,5 شاقىرىمدى قۇرايتىن ەلەكتر جەلىلەرى مەن باعانالارى, قوسالقى ستانسالارداعى 8 ترانسفورماتور تولىقتاي جاڭارتىلعان.
