م. تىلەۋبەردى اتاپ وتكەندەي, الەمدىك ەكونوميكاداعى توقىراۋدى جانە ينۆەستيتسيالىق تسيكلدىڭ تومەندىگىن ەسكەرە وتىرىپ, جەكە ينۆەستيتسيالاردى تارتۋعا قاتىساتىن بارلىق ينستيتۋتتاردىڭ ءتيىمدى جانە ۇيلەسىمدى جۇمىسى ەرەكشە ماڭىزعا يە بولادى.
«وسىعان وراي, جاھاندىق باسەكەلەستىكتىڭ ءوسۋى جاعدايىندا ينۆەستيتسيالاردى تارتۋ بويىنشا جۇمىستى ساپالى جاڭا دەڭگەيگە شىعارۋ ماقساتىندا, ءبىز الەۋەتتى ينۆەستورلارمەن جۇمىس ىستەۋدىڭ جاڭا تاسىلدەرىن ەنگىزۋدى جانە ينۆەستيتسيالىق جوبالاردى سۇيەمەلدەۋ بويىنشا جۇمىستى كۇشەيتۋدى ۇسىنامىز. قر پرەمەر-ءمينيسترىنىڭ باسشىلىعىمەن ينۆەستيتسيالىق جوبالاردى جەدەل تۇردە قاراپ, ينۆەستورلارعا جان-جاقتى قولداۋ كورسەتەتىن ينۆەستيتسيالىق شتاب قۇرۋ قاجەت دەپ سانايمىز», — دەدى ۇكىمەت باسشىسىنىڭ ورىنباسارى.
اتالعان شتابتىڭ جۇمىسىن كەلەسىدەي قۇرۋ ۇسىنىلادى, مەملەكەتتىك ورگاندار مەن جەكە بيزنەس ينۆەستيتسيالارعا تاپسىرىس قالىپتاستىرادى, ول «KAZAKH INVEST» ۇك» اق-دا جيناقتالاتىن بولادى.
بۇدان ءارى «استانا» حالىقارالىق قارجى ورتالىعىنىڭ قۇزىرەتى «Business Connect» بازاسىندا ينۆەستيتسيالىق ۇسىنىستاردى ۆەريفيكاتسيالاۋ بولىگىندە پايدالانىلاتىن بولادى. ۆەريفيكاتسيادان وتكەن جوبالاردىڭ ىشىنەن ارنايى پۋل قالىپتاستىرىلاتىن بولادى, ول جوبانى ىسكە اسىرۋدىڭ بارلىق جولىندا «Task Force» جەكەشە بولىمشەسىمەن سۇيەمەلدەنەتىن بولادى.
م. تىلەۋبەردىنىڭ ايتۋىنشا, بۇل بولىمشە – ينۆەستيتسيالىق شتاب جانىنداعى جوبالىق ساراپشىلاردىڭ/كەلىسسوز جۇرگىزۋشىلەردىڭ ارنايى قۇرىلعان كومانداسى, ول جۇمىستى ۇيىمداستىرۋعا جانە ينۆەستيتسيالىق شتابتىڭ كۇن ءتارتىبىن قالىپتاستىرۋعا جاۋاپ بەرەدى. قاجەت بولعان جاعدايدا اتالعان كوماندانىڭ جۇمىسىنا مەملەكەتتىك ورگانداردىڭ, قارجى ينستيتۋتتارى مەن كۆازيمەملەكەتتىك سەكتوردىڭ قىزمەتكەرلەرى تارتىلاتىن بولادى. ينۆەستورلارمەن پىسىقتالاتىن ايقىن جوبالار ينۆەستيتسيالىق شتابتىڭ قاراۋىنا شىعارىلاتىن بولادى.
شتابتىڭ مىندەتى – ينۆەستور ءۇشىن ەرەكشە جاعدايلاردى قامتاماسىز ەتۋ بويىنشا ناقتى شەشىم قابىلداۋ. ينۆەستورلار ءۇشىن ەرەكشە شارتتار بيىلعى 16 قاڭتاردا كۇشىنە ەنگەن «ەكونوميكالىق ءوسۋدى قالپىنا كەلتىرۋ تۋرالى زاڭ» شەڭبەرىندە ستراتەگيالىق ينۆەستيتسيالىق كەلىسىمدە قاراستىرىلاتىن بولادى. بيىلعى قاڭتار ايىندا قر ۇكىمەتى مەن امەريكالىق «VALMONT» كومپانياسى اراسىندا وسىنداي العاشقى كەلىسىمگە قول قويىلعانى جونىندە اتاپ وتكەن ءجون. سونىمەن, ينۆەستيتسيالىق شتاب مۇشەلەرى القالى تۇردە قاراعاننان كەيىن ينۆەستيتسيالىق كەلىسىمگە قول قويۋى, جوبانى ماقۇلداۋ بولىپ سانالادى. بۇل الگوريتم قاجەت بولعان جاعدايدا ودان ءارى جەتىلدىرىلەتىن بولادى.
جوبا بويىنشا پروبلەمالىق ماسەلەلەر تۋىنداعان كەزدە ينۆەستورلاردىڭ سۇراۋ سالۋلارى پروكۋراتۋرا, سوتتار, مەملەكەت باسشىسىنا تىكەلەي باعىنىستى اگەنتتىكتەر مەن باسقا دا مەملەكەتتىك ورگاندار وكىلدەرىنىڭ قاتىسۋىمەن, ونىڭ ىشىندە «استانا» حالىقارالىق قارجى ورتالىعى سوتىنىڭ يۋريسديكتسياسىن باسىمدىقپەن پايدالانا وتىرىپ, ينۆەستيتسيالىق ومبۋدسمەن الاڭىندا قارالاتىن بولادى. وسىلايشا, ينۆەستيتسيالىق جوبالاردى وتپەلى سۇيەمەلدەۋ مەن جيناقتالۋى قامتاماسىز ەتىلەدى, بۇل جاۋاپتى ورگاندار فۋنكتسيالارىنىڭ قايتالانۋىن بولدىرماۋعا مۇمكىندىك بەرەدى.
اتالعان تاسىلدەر ەكونوميكالىق ىنتىماقتاستىق پەن دامۋ ۇيىمىمەن, دۇنيەجۇزىلىك بانكپەن, «اتامەكەن» ۇكپ-مەن جانە كۆازيمەملەكەتتىك سەكتورمەن كەلىسىلەتىن بولادى. مەملەكەت باسشىسىنىڭ ينۆەستيتسيالاردى باسقارۋ جۇيەسىن رەفورمالاۋ جونىندەگى تاپسىرماسىن ورىنداۋ بويىنشا نەعۇرلىم ەگجەي-تەگجەيلى اقپارات قىسقا مەرزىمدە بەرىلەتىن بولادى.
