«ەلوردا تەك ەرەسەكتەرگە ەمەس, بالالار ءۇشىن دە ىڭعايلى بولۋى كەرەك. ءبىلىم بەرۋ نىساندارىمەن قاتار, دەمالىس ورتالىقتارىن اشىپ, اۋلالاردى اباتتاندىرامىز. مىسالى, قالادا بالالار ءتۇرلى ونەرمەن اينالىساتىن وقۋشىلار سارايى بار. بيىل تاعى ءبىر وقۋشىلار سارايىنىڭ قۇرىلىسىن باستايمىز», دەپ جازدى قالا اكىمى.
سونداي-اق ول مادەني جانە سپورتتىق عيماراتتار بالالارعا قولجەتىمدى بولۋى كەرەك ەكەنىن ايتتى.
ء«ار بالانىڭ وسى مەكەمەلەرگە بارۋعا جانە پروتسەستى ىشىنەن كورۋگە مۇمكىندىگى بولۋى ءتيىس. «استانا وپەرا» تەاترىمەن بىرلەسىپ جوبا جاساعانبىز. وقۋشىلار ليۋدۆيگ مينكۋستىڭ «بايادەركا» بالەتىنە تەگىن بارىپ, ءوز ءىسىنىڭ شەبەرلەرىمەن اڭگىمەلەسە الدى, سونداي-اق, ولارعا بالەتتىڭ تاريحى تۋرالى ايتىلدى, گريم جانە كوستيۋم تسەحتارىن, مۋزىكالىق كىتاپحانانى, دايىندىق زالدارىن جانە ت. ب. كورسەتىلدى. مۇنداي تەاتر ساباقتارى ءبىزدىڭ بالالارىمىزعا ماتەريالدى جاقسى مەڭگەرۋگە مۇمكىندىك بەرەدى, ويتكەنى ولار ەندى وقۋلىقتاعى ءماتىندى عانا ەمەس, سونىمەن بىرگە قويىلىمنىڭ ءوزىن, كوستيۋمدەردى, كەيىپكەرلەردىڭ وزدەرىن دە كورەدى. بۇل ءبىزدىڭ بالالارىمىزدى مادەني تۇرعىدان بايىتۋعا مۇمكىندىك بەرەدى», - دەيدى اكىم.
ونىڭ ايتۋىنشا بۇل جوبانى كەڭەيتۋ ۇيعارىلىپ وتىر. اشىق ساباقتار قاللەكي تەاترىنىڭ عيماراتىندا, "بارىس ارەنا" ستاديونىندا, ۇلتتىق كىتاپحانادا وتەتىن بولادى.
«مەملەكەت باسشىسى وقۋشىلارىمىزدىڭ وقىرماندىق داعدىسى ءتيىستى دەڭگەيدە دامۋى كەرەگىن اتاپ وتكەن. ۇلتتىق كىتاپحاناعا ەكسكۋرسيا كەزىندە بالالار مۇراعاتتاعى كوپتەگەن كىتاپتاردى الا الادى, جازۋشىلار تۋرالى كوبىرەك ءبىلىپ, مۇراجايدى كورەدى, بۇل - جاڭا ءبىلىم الۋعا دەگەن اۋەستىكتى ءسوزسىز ارتتىرۋى كەرەك.
وسى جوبالار وقۋشىلارعا ادامگەرشىلىك-رۋحاني قۇندىلىقتاردى جانە مادەنيەتكە/سپورتقا دەگەن سۇيىسپەنشىلىكتى مەكتەپ قابىرعاسىنان باستاپ وياتىپ قانا قويماي, تالانتىن اشۋعا, سونىمەن قاتار, ادام ەڭبەگىن قۇرمەتتەۋگە مۇمكىندىك بەرەدى. جوبالاردى مادەنيەت جانە سپورت مينيسترلىگىمەن بىرلەسىپ جۇزەگە اسىرامىز», دەپ جازدى التاي كولگىنوۆ.
