«يرينا كايراتوۆنا»: قۇبىلىسقا اينالا الا ما؟

كليپ اتاۋى ايتىپ تۇرعانداي «5 مىڭدا» كوپ دۇنيەنىڭ شەشۋى جاتىر: كورىمدىك، تۋعان كۇن، جول-پولعا اۋىزباستىرىق سىندى ەلەۋ­سىز مايدا-شۇيدەدەن باستالعان نەمقۇرايدىلىق «سەن تيىسپەي­تىن زات بار، ەشكىم ءتۇش.. ەشكىمگە ايت­­پا» دەپ ەستي تۇرا كەرەڭ، كورە تۇرا قاساقانا سوقىرلىق تانى­تاتىندارعا استىرتىن ۇندەۋ تاس­تايدى. تۋىندىدا قازاقستان تاريحى مەن ساياساتىنا، قازاق حاندىعى داۋىرىنەن باستاپ، ستالين مەن الاش وردانىڭ قۋعىن-سۇر­گىنى، جەمقور شەنەۋنىكتەر، قالا قۇتىن قاشىرعان LRT-نىڭ اياق­تالماعان قۇرىلىستارى، كارانتين كەزىندەگى قىسىلتاياڭ شاقتاردا اتىلعان مەرەكەلىك وتشاشۋ كورى­نىس تاپقان. ۇزاعاندا بۇگىن بار، ەر­تەڭ جوق ۇساق-تۇيەك بالا-شاعانىڭ بىرەۋى بولار دەپ ءمان بەرمەۋگە تى­رىسقانبىز، بىراق از عانا ۋاقىتتا 7 ميلليون رەت قارالعان كليپ تاڭ­دانىس تۋعىزعان. ءتىپتى بولات اتا­باەۆ سىندى ونەر قايراتكەرى دە قىزىعۋشىلىق تانىتىپ جاتتى. سونىمەن بۇگىنگى جاستار اراسىندا ايگىلى بولعان توپتىڭ ونەر جولىنداعى دامۋىن، ءجۇرىس-تۇرىسىن از-كەم شولىپ شىعۋدى ءجون سانادىق.

توپ ءاۋ باستا «يرينا كايرا­توۆنا» اتاۋىمەن 2017 جىلدان باستاپ youtube ارناسىندا يۋمور، ترەش جانرىندا شاعىن شوۋلار ءتۇسىرىپ ءجۇرىپ كەڭ تانىلعان. ايەل ەسىمىمەن اتالعان گرۋپپا اتاۋى ءازىل رەتىندە قويىلعان، ەسەسىنە كوماندا الديار جاپارحانوۆ، يليا گۋمەننىي، جاسۇلان وڭعاروۆ، ازامات ماركلەنوۆ ەسىمدى ءتورت بىردەي جىگىتتەن قۇرالعان. جوبا رەجيسسسەرى – قۋانىش بەيسەكوۆ. ءارى مۋزىكانت ءارى يۋموريست جىگىتتەر بۇگىندە الەۋمەتتىك جەلىلەر ارقى­لى جۇمىستارىن كەڭ ناسيحاتتاي وتىرىپ، جەتەكشى مەرەكەلىك جيىنداردى دا باسقارىپ كەلەدى.

باستاپقىدا كۆن كومانداسىندا ويناپ جۇرگەن جىگىتتەر قا­زاقستان قۇراماسى اتىنان سوچي­گە ونەر كورسەتۋگە اتتانادى، اراسىندا ءازىل-قالجىڭ رەتىندە قىس­قا ۆيدەولاردى تۇسىرە باستايدى. «بارلىعىمىز ەۇۋ قابىرعاسىندا وقىپ جۇرگەندە تانىستىق. كۋرس­تىڭ سوڭعى جىلدارىندا جاتاقحانا بەرمەيتىن سياقتى جاعدايلار بولادى عوي. سونداي كەزدە پاتەر جال­داپ بىرگە تۇرىپ، ەتەنە ارالاسىپ كەتتىك. شوۋلاردى ەندى تۇسىرە باس­تاعاندا اقىسىز جۇمىس ىستەدىك. ول كەزدە استانادا ەكى بولمەلى پا­تەردە تۇرامىز. ۇيدە 15-20 ادام جۇرەدى. ەسىك سىنىپ قالعان، اشىق-شاشىق جاتاتىن. ەشقاشان ميل­ليونداپ اقشا تاپساق دەپ وي­لاعان جوقپىز، ءوزىمىز جاقسى كورە­تىن دۇنيەمەن اينالىستىق. ەگەر ورتامىزدا بىرەۋ قانداي دا ءبىر يدەيا ايتاتىن بولسا، قال­عا­نىمىز ءسوزسىز ورىندايمىز»، دەي­دى الديار جاپارحانوۆ. ولار وزدەرى تۇسىرگەن ازىلدەردى قو­عام­دىق كولىكتەردە كورسەتۋدى وي­لاس­تىرعانمەن، ۋاقىت شەكتەۋلى بول­عان­دىقتان مۇمكىن بولمايدى. وقۋ­دى جاڭا بىتىرگەن قالتاسى جۇقا جىگىتتەر جوبانى ەرىكتى تۇر­دە ىسكە اسىرىپ، دوستارى مەن تا­نىس­تارىنىڭ كومەگىنە جۇگىنگەن. «جە­تىنشى شىعارىلىمنان باستاپ قۋا­نىش بارلىعىن ءوزى ىستەدى. ءوزى رەجيسسەر، ءوزى وپەراتور، ءوزى پروديۋسسەر. بىزدە بارى ءبىر كامەرا، ءبىر پەتليچكا، ءبىر مونوپود قانا. ءتۇسىرىلىم جۇمىستارى ءۇشىن قوناق ۇيلەردەن رۇقسات الۋ وتە قيىن ەدى، ال قازىر جارىسا شاقىرادى. ءۇزىل­دى-كەسىلدى باس تارتقان كەزدەردە ولاردى كوندىرۋگە كوپ ۋاقىت كەتەتىن»، دەيدى باسپاسوزگە بەرگەن ءبىر سۇحباتىندا. ءيا، قىسقا ۋاقىت ارالىعىندا ولار تۇسىرگەن ءازىل-سىقاق تەز تاراپ، «يرينا كاي­راتوۆنا» اۋديتورياسى قازاقستان عانا ەمەس ورىس تىلىندە سويلەيتىن وزگە ەلدەردى دە قامتىپ، تەز تانىلا باستايدى.

ءازىل-سىقاققا نەگىزدەلگەن ­سيۋ­­­­­­جەتتەردەن سوڭ، ىزدەنىستە جۇر­گەن جىگىتتەر رەپ ستيلىندە ءان جا­­­زۋ­­دى قولعا الادى. وزدەرى بۇل باس­­­تا­ماسىنىڭ كاسىبي دەڭ­گەي­­گە كوتەرىلىپ كەلە جاتقا­نى­نا ەرەك­­­شە قۋانىشتى، ال تىڭ­دار­مان­­دار توپتىڭ بۇل باعىت­تاعى جۇ­مىس­تارىن دا وڭ ىقىلاس­پەن قابىل الدى. «كىم ءبىلسىن، بىلىك­تىلىگىمىزدى شىڭداي وتىرىپ، كاسىبي دەڭگەيگە دەيىن كوتەرىلەرمىز. ارنامىزدا جانە الەۋمەتتىك جە­لىلەردە ودان دا كوپ اندەر بولادى. سودان كەيىن «بارىس ارەنا» ستاديونىن تولتىرۋعا تىرىسامىز»، دەگەن مۋزىكانتار كەلەشەككە باتىل جوس­پار قۇرادى.

قوعام مەن ادامنىڭ كوزگە ۇرىپ تۇرعان كەمشىلىگىن سىناۋ، ءمى­­نىن كورسەتۋ، كۇلدىرە وتىرىپ ويعا جەتەلەۋ ساتيرانىڭ مىن­­دە­­­تىنە كىرسە كەرەك. ساتيرا دەسەك ويىمىزعا بىردەن ورالاتىن تولىمبەك ءابىرايىم ۇلى ساتي­رانى – ادەبيەتتەگى، ونەر­دەگى «وپ­­­پوزيتسيا جانرى» دەپ اتاپ­تى. وسى رەتتە «يرينا كاي­را­­توۆ­نا» ۇسىنعان ازىلدەردى جىلى قا­بىل­داعاندارمەن قاتار، ماعى­­نا­سىز، جەڭىل دۇنيەلەردىڭ قاتا­رىنا جاتقىزعاندار دا تابىلدى. دەسە دە جىگىتتەر تۇسىرگەن شوۋ­دا بۇگىنگى بەتالىسقا قاتىس­تى وزىندىك ۇكىم بەرۋ، اششى كەكە­سىن­مەن سىناۋ، كو­­ڭىل­دىلىك پەن كۇر­سىنىس ءساتتى بەرىل­­گەنىن ايتقان ءجون. ءبىزدىڭ كوماندادا ءبىر-بىرى­مىزگە دەگەن وتە سەنىمدى كوز­قا­راس بار. بۇل سيقىرلى، وتە نا­زىك نارسە»، دە­گەن مۋزىكانت­تار كا­سىبي جاعىنان بيىك ساپا­عا ۇم­تى­لاتىنىن، توقتاپ قالماي­تى­نىن جەتكىزدى. قارا­ما-قاي­شى­لىقتاردىڭ بىرلىگىنەن تۋىن­داعان ىشكى ءۇن جاستاردىڭ باسىن بىرىك­تىرگەن مادەني جوبا رەتىندە ورىن الىپ وتىر. ال بۇل جايىندا ايتىلۋى قاجەت!