ءبىلىم • 02 اقپان، 2021

قانداستار گرانتتان قاعىلىپ وتىر

142 رەت كورسەتىلدى

شەتەلدە تۇراتىن قازاق جاستارى قازاقستانعا كەلىپ ءبىلىم الا الماي، پۇشايمان بولىپ ءجۇر. وتانىما كەلىپ وقىسام دەگەن جاستاردىڭ الدىنان ءتۇرلى كەدەرگىلەر شىعادى. بۇل كەدەرگىنى جاساپ جۇرگەن ءوزىمىزدىڭ بەدەلدى جوعارى وقۋ ورىندارى. وسىلاي دەپ شاعىمدانعان بەلسەندىلەر الماتىدا ارنايى باس قوسۋ وتكىزىپ، ويلارىن ورتاعا سالدى.

 

شارانى ۇيىمداستىرعان «حالىقارالىق اتاجۇرت جاستارى» قوعامدىق بىرلەستىگى وكىلدەرىنىڭ ايتۋىنشا، 2000 جىلدان باستاپ اتامەكەنگە كەلىپ ءبىلىم العىسى كەلەتىن جاستار سانى كۇرت ارتقان. مەملەكەت بارلىعىنا بىردەي گرانت ۇلەستىرۋگە شاماسى جەتپەي، جىل سايىن 1000 گرانت ءبولىپ كەلە جاتىر. ەندى وتاندىق ۋنيۆەرسيتەتتەر سونىڭ ءوزىن كوپ كورە باستادى. كوپ كورگەنىمەن قويماي، كوپە-كورنەۋ اقشا تالاپ ەتىپ، الاياقتىق قادامعا بارىپ وتىر دەيدى.

– قانداس جاستار كەلۋ ءۇشىن ۋنيۆەرسيتەتتەر ولارعا شاقىرتۋ جىبەرۋى كەرەك. ءبىزدىڭ وقۋ ورىندارى وزدەرى كەلسىن، وزدىگىمىزبەن شاقىرتۋ بەرە المايمىز دەگەنگە اكەلىپ، بۇل مىندەتتەن قاشادى. ال قىتاي ەلى سونداي شاقىرتۋ بولماسا، شەتەلدىك تولقۇجات جاسامايدى. پاسپورتتى الىپ، ەندى ۆيزا جاساتايىن دەسە، وعان تاعى 5-6 اي كەزەككە تۇرىپ قالادى. ءسويتىپ ۋاقتىلى وقۋعا كەلە المايدى، – دەيدى قوعامدىق بىرلەستىك توراعاسى قىدىرالى وراز ۇلى.

ونىڭ ايتۋىنشا، تاعى ءبىر تۇيتكىلدى ۋنيۆەرسيتەتتەر تۋدىرىپ وتىر: ءبىلىم وردالارى پاندەميانى سىلتاۋراتىپ، قانداستاردى تەگىن گرانتتان ايىرىپ، اقىلى وقۋعا ماجبۇرلەپ جاتقان كورىنەدى.

– كەي ۋنيۆەرسيتەتتەر ءار شا­قىر­تۋدى 100 مىڭ تەڭگەگە باعا­لاپ، ساتىپ جاتىر. بيىل جىل سايىنعى بولىنەتىن 1300 گرانتتىڭ جار­تىسىنا عانا ادام قابىلداپ، قالعان گرانت بوس قالدى. ماسەلەن، قازۇۋ دايىندىق توبىندا وقيتىن ستۋدەنتتەردى بىرىڭعاي تەستىلەۋگە قاتىستىرماي، اقىلى وقۋعا اۋى­سۋعا ماجبۇرلەگەن، – دەيدى سپيكەر.

ساۋلەت جانە قۇرىلىس ينجەنەرى ماماندىعىندا وقۋدى كوزدەگەن اقجول ءباتىرالى وسى تۇيتكىلمەن بەتپە-بەت كەلگەن ستۋدەنت. قازىر قازۇۋ دايىندىق كۋرسىندا ءبىلىم الىپ جاتىر. جالپى، دايىندىق كۋرسىندا 7 ستۋدەنت وقىپ ءجۇر.

– ۋنيۆەرسيتەت وقىتۋشىسى باۋىرجان سابدەنبەكوۆ بيىل پاندەمياعا بايلانىستى ماگيس­تراتۋرانىڭ دايىندىق كۋرسىنا گرانت بولىنبەي قالدى دەپ ءتۇسىندىردى. وقۋ پ ۇلى مەن قۇجات­تارىڭدى وتكىزسەڭدەر ءبىز سەندەر­گە شاقىرتۋ جىبەرەمىز دەدى. الاي­دا جىبەرگەندەرى شاقىرتۋ ەمەس، وقىپ جاتىر دەگەن انىقتاما قاعا­زى ەكەن. ونىمەن ۆيزا اشتىرۋ­ مۇمكىن بولمادى. اقىرىندا تۋىس­­تىق شاقىرتۋ ارقىلى ارەڭ دە­گەندە ۆيزا اشتىردىق. وقۋ اقىسىن باسىندا 310 مىڭ تەڭگە دەگەن ەدى. كەيىنىرەك ونىڭ 620 مىڭ تەڭگە ەكەنى حابارلاندى. سوسىن باۋىرجان اعايىمىز سەندەردىڭ جاعدايلارىڭدى باسشىلىققا ايتتىم، ونلاين وقۋ ەكەنىن ەسكەردىك دەپ، وقۋ اقىسىنىڭ 500 مىڭعا تۇسكەنىن ايتتى. ءسويتىپ 500 مىڭ تەڭگە تولەدىك. وقۋ دا كەشىگىپ باس­تالدى. قاۋلىدا كورسەتىلگەندەي قازان ايىندا ەمەس، قاراشانىڭ ورتاسىندا ءبىر-اق باستالدى. جازدا ماگيستراتۋراعا قۇجات تاپسىرامىز، – دەيدى اقجول.

جيىنعا قاتىسۋشىلار ءبىلىم جانە عىلىم مينيسترلىگى وسى ماسەلەنى باقىلاۋدان شىعارىپ الىپ وتىرعانىن جەتكىزدى.

 

الماتى

 

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار