جامان اۋىز مارالدى اۋىلىنداعى ءبىر ءۇيدىڭ اۋلاسىنا تۇسكەن. سول كەزدە مال قاماۋعا شىققان ايەل مەن ونىڭ 8 جاستاعى بالاسىنا تارپا باس سالعان ەكەن. قورا ءىشى ازان-قازان بولعانىن ەستىگەن وتاعىسى قولىنا ايىر الىپ تۇرا ۇمتىلعان. قارسى كەلگەن كوكجالدى سول جەردە شانشىپ ولتىرەدى.
ال قاسقىردىڭ ءتىسى باتىپ ۇلگىرگەن بالاسى مەن جۇبايىنا العاشقى مەديتسينالىق كومەك كورسەتىلىپ, اۋداندىق اۋرۋحاناعا جەتكىزىلگەن. ءتۇز تاعىسى ساراپتاما ءۇشىن ۆەتەريناريا زەرتحاناسىنا جونەلتىلگەن.
اۋىلدىقتاردىڭ ايتۋىنشا, ءبىر اپتا بۇرىن تاعى قاسقىر كىرگەن ەكەن. بالالارى ءۇشىن ۇرەيلەنگەن حالىق اۋىلداعى ەكى اۋسىممەن وقيتىن ساباقتى تەك تاڭەرتەڭگە اۋىستىرۋدى وتىنگەن. اۋداندىق ءبىلىم ءبولىمى بىردەن تۇرعىنداردىڭ ءوتنىشىن ورىندادى. ال زارداپ شەككەن بالاسى مەن اناسى اۋرۋحانادا جاتىر.
