ەەك ەكونوميكا جانە قارجى ساياساتى ءمينيسترىنىڭ ايتۋىنشا, كوروناۆيرۋستىق پاندەمياعا بايلانىستى جاھاندىق داعدارىس جاعدايىندا ايماقتىق ينتەگراتسيا مەملەكەتتەردىڭ تۇراقتى دامۋىنا ىقپال ەتەتىن ناقتى فاكتورعا اينالىپ جاتىر. ول وداق مەملەكەتتەرىنىڭ ينتەگراتسيالىق ءوزارا ءىس-قيمىلىنىڭ باسىم باعىتتارىنىڭ ءبىرى – ورتاق قارجى نارىعىن قالىپتاستىرۋ ەكەنىن اتاپ ءوتتى.
ونىڭ قۇرىلىسى بيزنەس پەن تۇرعىندار ءۇشىن قارجى ونىمدەرى مەن رەسۋرستارىنا كەڭ قول جەتىمدىلىككە جاعداي جاسايدى, ءوزارا كىرۋدەگى شەكتەۋشى كەدەرگىلەردى جويادى, قارجىلىق قىزمەتتەر نارىعىنداعى باسەكەلەستىكتى كۇشەيتەدى, قارجىلىق رەتتەۋشىلەردىڭ ءوزارا ارەكەتتەسۋىن جاقسارتادى جانە ينۆەستورلار مەن تۇتىنۋشىلار ءۇشىن ءتيىمدى قورعاۋدى قامتاماسىز ەتەدى.
– جالپى قارجى نارىعىن قالىپتاستىرۋدىڭ نەگىزگى باعىتتارىنىڭ ءبىرى – ەاەو ءۇشىن ورتاق ۆاليۋتا كەڭىستىگىن قۇرۋ», – دەپ اتاپ ءوتتى ەەك ەكونوميكا جانە قارجى ساياساتى ءمينيسترى.
«بۇل ەاەو مەملەكەتتەرىنىڭ ءوزارا ساۋدا جانە ينۆەستيتسيالىق ىنتىماقتاستىعىن ەداۋىر كەڭەيتەدى, ەميتەنتتەردىڭ ترانسشەكارالىق بەلسەندىلىگىن, حالىق ءۇشىن ينۆەستيتسيالىق جانە جيناقتاۋ مۇمكىندىكتەرىن ارتتىرادى جانە وداق مەملەكەتتەرىنىڭ قارجى نارىقتارىن دامىتۋدىڭ كاتاليزاتورى رەتىندە قىزمەت ەتەدى», دەپ اتاپ ءوتتى ەەك ءمينيسترى.
تيمۋر جاقسىلىقوۆ جالپى بيرجالىق كەڭىستىكتى قالىپتاستىرۋدى بەلسەندىرۋ ماقساتىندا ەاەو ءبىر مەملەكەتىنىڭ بروكەرلەرى مەن ديلەرلەرىن باسقا مەملەكەتتەردىڭ بيرجالارىندا ۇيىمداستىرىلعان ساۋدا-ساتتىققا قاتىسۋعا جىبەرۋ تۋرالى كەلىسىمنىڭ جوباسى ازىرلەنگەندىگىن ەسكە سالدى.
– كەلىسىم ۇلتتىق بيرجالارعا وداق مەملەكەتتەرىنىڭ ۋاكىلەتتى ورگاندارى بەرگەن بروكەرلەر مەن ديلەرلەردىڭ ليتسەنزيالارىن تانۋ جانە ولارعا باعالى قاعازدار مەن تۋىندى قارجى قۇرالدارىن ساتۋ– ساتىپ الۋ تۋرالى كەلىسىمشارتتار جاساسۋ ءۇشىن ساۋدا-ساتتىققا تىكەلەي قاتىسۋ مۇمكىندىگىن بەرۋ قۇقىعىن بەرەدى, – دەدى ەەك ءمينيسترى.
سونىمەن قاتار, باعالى قاعازدار شىعارىلىمىن ءوزارا تانۋ جانە ولاردى بيرجالارعا جىبەرۋ پروتسەدۋرالارىن ۇيلەستىرۋ ماقساتىندا ەاەو ەاەو مەملەكەتتەرىندە ۇيىمداستىرىلعان ساۋدا– ساتتىقتا باعالى قاعازداردى ورنالاستىرۋ مەن اينالىسقا ءوزارا جىبەرۋ تۋرالى كەلىسىمنىڭ جوباسىن ازىرلەدى.
– قۇجات باعالى قاعازداردى جوعارى ساناتتاعى كوتيروۆكالار تىزىمىنەن باسقا ەلدەردە ۇيىمداستىرىلعان ساۋدا-ساتتىقتا ورنالاستىرۋ مەن اينالىسقا جىبەرۋگە, سونداي– اق ەميسسيالار ەركىندىگىن جانە باعالى قاعازدارمەن جالپى بيرجالىق كەڭىستىكتەگى ساۋدا وپەراتسيالارىن قامتاماسىز ەتۋگە باعىتتالعان, – دەدى تيمۋر جاقسىلىقوۆ.
قارجىلىق قىزمەتتەردى تۇتىنۋشىلارعا تەڭ قۇقىقتار مەن مۇمكىندىكتەردى قامتاماسىز ەتۋ جانە الەۋەتتى قارىز الۋشىنىڭ نەسيەلىك تاۋەكەلىن باعالاۋ ءۇشىن نەسيەلىك تاريحقا ەنگىزىلگەن اقپاراتپەن الماسۋ ءتارتىبى تۋرالى كەلىسىمنىڭ جوباسى ازىرلەندى.
– ونى جۇزەگە اسىرۋ وداق مەملەكەتتەرىنىڭ رەزيدەنتتەرى ءۇشىن باسقا مەملەكەتتەردىڭ اۋماعىندا ورنالاسقان بانكتەرگە نەسيەلىك رەسۋرستارعا جۇگىنگەن كەزدە تەڭ جاعدايلار جاسايدى جانە ەاەو شەڭبەرىندە ترانسشەكارالىق نەسيەلەندىرۋدى دامىتۋعا ىقپال ەتەدى, – دەپ اتاپ ءوتتى ەەك ەكونوميكا ءمينيسترى.
