14 قاڭتاردا كريمينالدىق پوليتسيا قىزمەتكەرلەرى كۇرشىم اۋدانىنىڭ شارۋا قوجالىقتارىنىڭ ءبىرىنىڭ اۋماعىندا جەدەل ءتىنتۋ بارىسىندا قۇرامىندا سپەتسيفيكالىق ءيىسى بار وسىمدىك تەكتەس ءۇش قاپ, سونداي-اق ەسىرتكى زاتتارىن قولدانۋعا ارنالعان قولدان جاسالعان قۇرالدار تاركىلەندى.
– جەدەل-ىزدەستىرۋ ءىس-شارالارىنىڭ ناتيجەسىندە قوجالىقتىڭ 28 جاستاعى جۇمىسشىسى 2020 جىلدىڭ جازىندا بۇل زاتتى ماڭايدان تەرىپ العانى انىقتالدى. ونى ءوزى پايدالانۋ ءۇشىن ساقتادىم دەپ ءتۇسىندىردى. سوت-حيميالىق ساراپتاما ناتيجەلەرىنە سايكەس, قاپتارداعى ساقتالعان زات – ماريحۋانا, سالماعى 24 866 گر, – دەدى شقو پد باستىعى ساعات ماديەۆ.
اتالعان فاكتى بويىنشا قر قك-ءنىڭ 296-بابىنىڭ 4-بولىگى (ەسىرتكى, پسيحوتروپتىق زاتتارمەن, سول تەكتەستەرمەن وتكىزۋ ماقساتىنسىز زاڭسىز جۇمىس ىستەۋ) بويىنشا سوتقا دەيىنگى ءىس جۇرگىزۋ باستالدى.
