مەملەكەت باسشىسى قاسىم-جومارت توقاەۆتىڭ تاپسىرماسى بويىنشا قازاقستاندا 1 اقپاندا حالىقتى ەرىكتى ۆاكتسيناتسيالاۋ ناۋقانى باستالادى.
پرەپاراتتىڭ العاشقى پارتياسى الماتى قالاسى قوعامدىق دەنساۋلىق باسقارماسىنىڭ قويماسىنا جىبەرىلدى.
جاۋاپتىلاردىڭ ايتۋىنشا, 1 اقپان كۇنى تاڭەرتەڭ ۆاكتسينا قالانىڭ سەگىز اۋدانىنداعى اۋرۋحانالارعا بولىنەدى. سالقىنداتىلعان جۇك كولىگىندەگى پرەپارات, حاتتامادا كورسەتىلگەن تاسىمالداۋ شارالارىن ساقتاي وتىرىپ -18 س تەمپەراتۋراعا توزەتىن مۇز پاكەتتەرى بار كونتەينەرلەردە, №7 قالالىق كلينيكالىق اۋرۋحانانىڭ قويماسىنا جەتكىزىلدى. ۆاكتسينالار ۆاكتسيناتسيا اياسىندا بەلگىلەنگەن مەديتسينالىق ۇيىمدار اراسىندا ءبولىندى.
"الماتىدا ۆاكتسيناتسيا پۋنكتتەرىنىڭ دايىندىعى تەكسەرىلدى, پروفيلاكتيكالىق ەگۋلەردىڭ ستاندارتتى جۇمىس ءتارتىبى بەكىتىلدى. بارلىعى انىقتالعان 40 بمسك. يممۋنداۋ كۋرسىنان الماتى قدب 144 مەديتسينالىق مامانى وتۋدە. يممۋنداۋ جۇرگىزىلەتىن ءاربىر ەمحانادا سالقىنداتۋ جابدىقتارى بار جەكە ۆاكتسينالىق كابينەتتەر بار. ولاردا كەلەسى ماماندار جۇمىس جاسايتىن بولادى — دارىگەر, مەيىربيكە-ۆاكتسيناتور جانە مەيىربيكە-تىركەۋشى. سونىمەن قاتار, جەكە بولمە قاراستىرىلعان, وندا ۆاكتسينا العاندار 30 مينۋت دارىگەرلەردىڭ باقىلاۋىندا بولادى.
ءبىرىنشى كەزەڭدە, اقپان ايىندا ينفەكتسيالىق اۋرۋحانالاردىڭ, جەدەل جاردەمنىڭ, سانيتارلىق ەپيدەميولوگيالىق قىزمەتتىڭ, جان ساقتاۋ ءبولىمىنىڭ قىزمەتكەرلەرى ۆاكتسينالانادى", دەپ مالىمدەدى قوعامدىق دەنساۋلىق باسقارماسىنىڭ ءباسپاسوز قىزمەتى.
