قازاقستاننىڭ تۇڭعىش پرەزيدەنتى بەلگىلى قازاقستاندىق جۋرناليست, Informburo.kz اقپاراتتىق-ساراپتامالىق ينتەرنەت پورتالىنىڭ باس رەداكتورى ميحايل دوروفەەۆتىڭ قايتىس بولۋىنا بايلانىستى كوڭىل ايتتى.
«ول ۇلكەن جۇمىس تاجىريبەسى بار ءوز ءىسىنىڭ كاسىپقوي مامانى ەدى. قازاقستان رەسپۋبليكاسى پرەزيدەنتىنىڭ باق سالاسىنداعى سىيلىعىنىڭ لاۋرەاتى, جۋرناليستيكا اكادەمياسىنىڭ اكادەميگى, ۇلتتىق قوعامدىق سەنىم كەڭەسىنىڭ مۇشەسى بولدى. ميحايل دوروفەەۆ وتاندىق مەديا سالاسىنىڭ دامۋىنا سۇبەلى ۇلەس قوسىپ, جاڭا ساپا ستاندارتتارى مەن كاسىبيلىكتى ەنگىزۋگە ىقپال ەتتى», – دەلىنگەن جەدەلحاتتا.
