جالپى, اقپان ايىندا قاراعاندى فارماتسەۆتيكالىق كەشەنى ۆاكتسينانىڭ 112 مىڭ دوزاسىن, ناۋرىزدا - 150 مىڭ, ساۋىردەن ماۋسىمعا دەيىن – اي سايىن 600 مىڭ دوزادان جەتكىزەتىن بولادى.
سونداي-اق ءساۋىر ايىنان باستاپ 75 مىڭ دوزا كولەمىندە QazCovid-in وتاندىق ۆاكتسيناسىن ەگۋ جانە ونى اي سايىن 500 مىڭ دوزاعا دەيىن ۇلعايتۋ جوسپارلانىپ وتىر.
ء«بىرىنشى كەزەكتە حالىقتىڭ جەكەلەگەن توپتارى – مەديتسينا قىزمەتكەرلەرى, پوليتسەيلەر, اسكەري قىزمەتشىلەر جانە ت. ب. ۆاكتسينالاۋعا جىبەرىلەدى. ۆاكتسينا الاتىن ادامدا پروفيلاكتيكالىق ەگۋگە قارسى كورسەتىلىمدەر بولماۋى ءتيىس. ۆاكتسينالاۋ الدىندا دارىگەردىڭ مىندەتتى تەكسەرۋ جۇمىستارى جۇرگىزىلەدى. ەل بويىنشا ەگۋ پۋنكتتەرىنىڭ دايىندىعى تەكسەرىلدى, پروفيلاكتيكالىق ەگۋدى جۇرگىزۋ ماسەلەلەرى بويىنشا ستاندارتتى وپەراتسيالىق راسىمدەر بەكىتىلدى, 2 مىڭنان استام مەديتسينا قىزمەتكەرلەرى وقىتىلدى», - دەپ حابارلادى دەنساۋلىق ساقتاۋ مينيسترلىگى.
