قازاقستان رەسپۋبليكاسىنىڭ اۋماعىندا كوروناۆيرۋستىق ينفەكتسيانىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ 2021 جىلعى 28 قاڭتارداعى شەشىمىنە سايكەس, رەسەيمەن تۇراقتى جولاۋشىلار رەيستەرىن ءار تاراپتان اپتاسىنا 1 رەيستەن 3 رەيسكە دەيىن, سونداي-اق تۇركيامەن تۇرىك تاراپى ءۇشىن انتاليا - الماتى باعىتى بويىنشا اپتاسىنا 1 رەيسكە ۇلعايتۋعا رۇقسات بەرىلدى.
"قازاقستان مەن رەسەي اراسىنداعى تۇراقتى رەيستەر ۇلعايتىلعاننان كەيىن, رەسەيلىك تاراپتىڭ كەلىسىمىن ەسكەرە وتىرىپ, اۋە قاتىناسى ءار تاراپتان نۇر-سۇلتان - ماسكەۋ (اپتاسىنا 2 رەيس) جانە الماتى - ماسكەۋ (اپتاسىنا 1 رەيس) باعىتتارى بويىنشا اپتاسىنا 3 رەيستەن ورىندالادى.
رەيستەر سانيتارلىق-ەپيدەميولوگيالىق نورمالاردى قاتاڭ ساقتاي وتىرىپ جانە اۋە كومپانيالاردىڭ سايتتارىندا جاريالانعان كەستەگە سايكەس ورىندالادى", - دەلىنگەن حابارلامادا.
