«وتباسىندا ەكى, التى جانە سەگىز جاستاعى بالالارعا جاعداي جاسالماعانىن كوردىك. ءۇيى سۋىق, ازىق-ت ۇلىك جوق, تازالىققا كوڭىل بولىنبەگەن», دەيدى بەسقاراعاي اۋداندىق پوليتسيا ءبولىمىنىڭ باستىعى تالعات تەمىربەكوۆ.
كورشىلەرىنىڭ ايتۋىنشا, انالارى ىشەدى. سوڭعى ۋاقىتتا شەكتەن شىعىپ كەتكەن. ال, كىشكەنتاي قىزدار ءۇشىن بۇل ۇيدە قالۋ قاۋىپتى.
«سوندىقتان يۋنەۆالدى پوليتسيا قىزمەتكەرلەرى بەسقاراعاي اۋداندىق قورعانشىلىق جانە قامقورشىلىق بولىمىمەن بىرلەسىپ, بالالاردى ۇيدەن وقشاۋلاۋ تۋرالى شەشىم شىعاردى. ۇلكەن قىزداردى سەمەيدەگى كامىلەتكە تولماعانداردى بەيىمدەۋ ورتالىعىنا جىبەردىك. 2 جاسار قىز سەمەيدەگى بالالار ۇيىنە تاپسىرىلدى. بالالارمەن دارىگەرلەردىڭ قاراۋىندا. جاعدايلارى جاقسى», - دەپ اتاپ ءوتتى تالعات تەمەربەكوۆ.
«قۇقىق بۇزۋشىلىقتاردىڭ الدىن الۋ جانە بالالاردىڭ قاداعالاۋسىز, پاناسىز قالۋىنىڭ الدىن الۋ تۋرالى» 09.07.2004 جىلعى قر زاڭىنىڭ 11-بابى 4-تارماعى نەگىزىندە كامەلەتكە تولماعان بالالاردىڭ اناسىنا قاتىستى ءتيىستى ماتەريال جينالىپ, اتا-انا قۇقىقتارىنان ايىرۋ ءۇشىن ءىس سوتقا جىبەرىلدى.
