تارتىمدى وتكەن ساباق تاعىلىمدى

مەكتەپ جاسىنداعى بالالاردى تاربيەلەۋدە ەرەكشە ىجداھاتتىلىق پەن ىقىلاس قاجەت. وسى رەتتە ءبىز “ىبى­راي – بالالار ادەبيەتىنىڭ اتا­سى” دەگەن تاقىرىپتا اشىق سا­باق وتكىزە وتىرىپ, قازاقتىڭ تۇڭ­عىش اعارتۋ­شىسى, جارىق جۇلدىزى اتانعان عالىم-ۇستاز ىبىراي ال­تىن­ساريننىڭ ءومىرى مەن ەڭبەكتەرىن وقىتۋ ارقىلى ەڭبەككە, شىعارما­شى­لىققا, ويلام­پاز­­دىققا ۇيرەتۋدى قولعا الىپ كەلەمىز. اشىق ساباقتىڭ ماقساتى دا وسىندا جاتىر. قازاق حالقىنىڭ اعارتۋشى ۇستازى ارقىلى حالقى­مىز­دىڭ ۇلتتىق قاسيەتى مەن ادام­گەر­­شىلىگىن اشىپ كورسەتۋ. جانە دە ۇرپاقتى ىزگىلىككە, مەيىرىمدىلىككە, ءبىرتۋار ادامدارىن قۇرمەتتەۋگە, ۇلگى الىپ ۇيرەنە بىلۋگە باۋلۋدى باسشى­لىققا الدىق. ى.ءالتىنساريننىڭ سۋرەتتەرى مەن سلايد كورسەتىلىمى جانە دە ۇستازدىڭ ءىزباسارلارىنىڭ سۋرەت­تەرى: احمەت بايتۇرسىنوۆ, مىرجاقىپ دۋلاتوۆ جانە سپانديار كوبەەۆ ار­قىلى جان جاقتى ءتۇسىن­دىرۋگە تىرىس­تىق. بەزەندىرىلگەن كور­نەكىلىكتەر ارقىلى جانە اڭگى­مە­لەسۋ ادىسىمەن, بىلەتىنىن ايتقىزۋ ءۇشىن سۇراق-جاۋاپ تۇرىندە بالانى ۇنەمى ىنتالاندىرىپ وتىرۋ قاجەت. سوندا عانا وقۋشى مۇمكىندىگىنشە ساباققا اتسالىسۋعا تى­رى­سادى. ۇلاعاتتى ۇستازدىڭ “حا­لىق مەكتەپ­تەرى ءۇشىن ەڭ كەرەكتىسى – مۇعالىم” دەۋى بولاشاق ۇرپاقتى ءتار­بيەلەۋدە مۇعالىمنىڭ الار ورنى ەرەك­شە ەكەن­دىگىن كورسەتەدى. شىنىن­دا دا, ۇستاز قوعام ايناسى ىسپەتتەس. قوعام­نىڭ قانداي بولىپ قالىپ­تا­سۋىن­­دا ۇستازداردىڭ الار ورنى ەرەك­شە. وسى رەتتە ىبىراي التىن­­سارين­نىڭ تاعى ءبىر سوزىنە جۇگىنەلىك: “تاما­شا جاقسى پەداگوگيكا قۇرال­دارى دا, ەڭ جاقسى ۇكىمەت بۇيرىقتارى دا, ابدەن مۇقيات تۇردە جۇرگىزىلەتىن ينس­پەك­تور باقى­لاۋى دا مۇعالىمگە تەڭ كەلە المايدى”, دەيدى. وسى ارقىلى ءبىز اعارتۋشى ۇس­تاز­دىڭ مۇعالىمدەرگە دەگەن ءىلتيپاتىن كورەمىز, ونىڭ ءمانى­سىن جوعارىدا اشىپ كورسەتۋگە تىرىس­تىق تا. ەندىگى ماسەلە ۇلى ۇستازدىڭ ءتالىمدى قاسيەت­تەرىن, ونىڭ بالالارعا ارناعان شى­عار­مالارىن وقۋشىلارعا بارىنشا اشىپ كور­سەتۋ بولسا, وعان جاڭادان مۇعالىم­دىك وقۋىن ءبىتىرىپ كەل­گەندەردى دە جۇمىلدىرۋعا تۋرا كەل­دى. ونداعى وي كورسىن, ءبىلسىن جانە ۇيرەنسىن. اشىق ساباقتىڭ وتكىزىلۋ مانەرى بالالارعا وي سالىپ, ولاردىڭ بو­يىندا ۇلكەن اسەر قالدىرا­تىنداي بولۋىن باستى نازاردا ۇستاندىق. ول ءۇشىن توپتى ۇشكە ءبولىپ, ولاردىڭ اراسىندا ءبىلىم سايىسى ۇيىمداس­تىرىلدى. سونىڭ ناتيجەسىندە, با­لا­لار ىبىراي اتالارىنىڭ ءوز زاما­نىندا نەندەي زاتتاردى قولدان­عانى, مەكتەبىنىڭ سۇلباسى قانداي بول­عانىن كوز الدارىنا ەلەستەتىپ, قاعاز بەتىنە ءتۇسىردى. ەكىنشى توپ ونىڭ اڭگىمە, ەرتەگىلەرىن قۇلشىنا اڭگىمە­لەسە, سوڭعى توپتاعىلار ولەڭ­دەرىن جاتقا ايتىپ جاتتى. مۇنىڭ بارلى­عى دا بالالاردىڭ بويىنداعى ءبىلىم­گە دەگەن ىقىلاستى قۇلشىنى­سىن وياتىپ, قۇشتارلىقتارىن ۇشتاي تۇسەدى. وقۋشىلار ىبىراي اشقان مەكتەپتەردە عالىم-اعارتۋشىلار ا.بايتۇرسىنوۆ پەن م.دۋلاتوۆتار­دىڭ, اقىن-جازۋشىلار س.ماۋلە­نوۆ, ع.قايىربەكوۆ, ق.جارماعان­بەتوۆ, ق.سارسەكەەۆ, س.كەنجەاح­مەتوۆ, س.وسپانوۆ, س.تۇرعىنبەكوۆ سياق­تى ەلگە بەلگىلى تۇلعالار وقى­عان­دىعىن ءبىلىپ, كەڭىنەن ماعلۇمات­تار الدى. قورىتا ايتقاندا, ى.التىن­سارين­نىڭ ءىسى بالالارعا عانا ەمەس, بۇكىل قوعامعا ۇلگى بولۋى شارت. وكى­نىشكە وراي, قازىرگى كەزدە وسىنداي ۇلاعاتتى ۇستازداردىڭ جەتىسپەۋشى­لىگى بايقالىپ وتىر. بۇل ۇرپاقتار ساباق­تاستىعىنىڭ كەزىندە ءۇزىلىپ قالعان­دىعىنان بولسا, ەندىگى ماسەلە سونى قالپىنا كەلتىرىپ, ۇستازدىق قىزمەتتى مەرەيلى ەتۋ مىندەتى تۇر. بۇل باعىتتا ءبىزدىڭ باستى ءۇمىت ار­تارى­مىز وسى وقۋشىلار, ءبىز سولار­دىڭ بويىنا دۇرىس تاربيە سىڭىرە ءبىلۋىمىز كەرەك. بولاشاق بۇگىننەن باستالادى دەپ تەگىن ايتىلماسا كەرەك. گۇلبانۋ سابدەنوۆا, №27 مەكتەپ-ليتسەيىنىڭ مۇعالىمى. استانا.