ۇكىمەت • 29 قاڭتار، 2021

ەرالى توعجانوۆ ۇستازدار مەن دارىگەرلەردىڭ ەرەن ەڭبەگىنە العىس ايتتى

24 رەت كورسەتىلدى

بۇگىن اقپارات جانە قوعامدىق دامۋ مينيسترلىگىنىڭ كەڭەيتىلگەن وتىرىسىندا ۇكىمەت باسشىسىنىڭ ورىنباسارى ەرالى توعجانوۆ 2020 جىلى كوروناۆيرۋستىڭ تارالۋى جاعدايىندا ۇستازدار مەن دارىگەرلەردىڭ ەرەن ەڭبەگىن اتاپ ءوتتى، دەپ حابارلايدى Egemen.kz

«وتكەن جىل وڭاي بولمادى. قوعامنىڭ سانا-سەزىمىندە بىلتىر ۇلكەن وزگەرىستەر بولدى دەسەم ارتىق ەمەس دەپ ويلايمىن. ۇستازدارىمىزدىڭ ورنى ەرەكشە ەكەنىن بۇكىل ەل قايتادان قاراپ، ءتۇسىندى. قيىن كەزەڭدەردە ءبىزدىڭ ۇستازدارىمىزدىڭ ناقتى جاساعان ەرەن ەڭبەگىن بارشا حالىق بىلەدى»، دەدى ە.توعجانوۆ.

بۇدان وزگە ەرالى توعجانوۆ دارىگەرلەردىڭ ماڭىزدى قىزمەتىنە ەرەكشە توقتالىپ ءوتتى. قيىن كەزەڭدە كوپتەگەن ازاماتتىڭ تىكەلەي اتسالىسقانىنىڭ ناتيجەسىندە اۋقىمدى ىستەر اتقارىلدى.

«پرەزيدەنت قاسىم-جومارت كەمەل ۇلىنىڭ تىكەلەي تاپسىرمالارى ارقاسىندا، سونداي-اق قابىلدانعان شەشىمدەرگە وراي جالپى جاعدايدى باقىلاۋدا ۇستاۋعا تولىقتاي مۇمكىن بولدى. اسىرەسە، بىلتىر جاز ايلارىندا ءبىراز قيىندىقتى بىرگە وتكەردىك. اتاپ ايتقاندا، تۇتاس ەل بولىپ شەشىم قابىلداعان قادامداردى جۇزەگە اسىرعان جەردە عانا ناقتى ناتيجە بولادى. قۇدايعا شۇكىر، جاعداي قالىپتى ءارى تۇراقتى قاداعالاۋ دەڭگەيىندە دەپ ايتسام، ارتىق ەمەس. ونى وزدەرىڭىز دە كورىپ وتىرسىزدار. دۇنيە جۇزىندە جاعداي قالاي بولىپ جاتقانىن بىلەسىزدەر»، دەدى ەرالى توعجانوۆ.

سوڭعى جاڭالىقتار

ۇقساس جاڭالىقتار