قاراعاندىداعى كەنشىلەر مادەنيەت سارايى جانىنداعى «شابىت» ەسترادالىق ۆوكال ۇيىرمەسىنىڭ مۇشەسى اسىلايىم ءۇشىن بۇل العاشقى جەتىستىك ەمەس. ونەرلى بالدىرعان بۇعان دەيىن دە رەسپۋبليكالىق جانە حالىقارالىق كونكۋرستارعا قاتىسىپ, بىرنەشە مارتە لاۋرەات اتانعان.
الماتىدا وتكەن بايقاۋدا قاراعاندىلىق ءانشى قىز ءشومىشباي ساريەۆتىڭ سوزىنە جازىلعان كەڭەس دۇيسەكەەۆتىڭ «سالەم ساعان, تۋعان ەل» ءانىن ورىنداپ, قازىلار القاسىنىڭ ىقىلاسىنا بولەندى.
اسىلايىم كەنشىلەر استاناسىنداعى №77 ورتا مەكتەپتىڭ 6-سىنىبىندا وقيدى. «شابىت» ەسترادالىق ۆوكال ۇيىرمەسىنە ەكى جىلدان بەرى قاتىسىپ ءجۇر.
سونىمەن بىرگە, اسىلايىم بولاتقىزىنىڭ ۇستازى, اتالعان ۇيىرمەنىڭ جەتەكشىسى ەربولات ماحانبەت اتالعان كونكۋرستىڭ جابىلۋ سالتاناتىندا قازاق ونەرىنىڭ دامۋىنا ۇلەس قوسقانى جانە ۇزدىك شاكىرت دايارلاعانى ءۇشىن العىس حاتپەن ماراپاتتالدى.
ال تۇركيادا وتەتىن حالىقارالىق بايقاۋ تۋرالى ايتا كەتسەك, ول كونكۋرس ماۋسىم ايىندا ۇيىمداستىرىلۋى مۇمكىن. «بايقاۋدىڭ ناقتى مەرزىمى جانە ونىڭ تالاپتارى تۋرالى ۇيىمداستىرۋشىلار جاقىن ارادا وزدەرى حابارلاۋى ءتيىس», دەيدى ەربولات ماحانبەت.
قاراعاندى
