تۇركىستان قالاسىندا وتكەن ماراپاتتاۋ شاراسىندا Nur Otan پارتياسى تۇركىستان وبلىستىق فيليالى توراعاسىنىڭ ءبىرىنشى ورىنباسارى بەيسەن تاجىباەۆ پارلامەنت ءماجىلىسى مەن جەرگىلىكتى ءماسليحات قۇرامى جاڭا تۇلعالارمەن تولىققانىن اتاپ ءوتتى. «وسى رەتتە ەلدىڭ باسىم بولىگى ءوز تاڭداۋىن جاساپ, Nur Otan پارتياسىنا قولداۋ ءبىلدىردى. ەلباسى, پارتيا توراعاسى نۇرسۇلتان نازارباەۆتىڭ پارتيانى قايتا جاڭعىرتۋ باعىتىنداعى تاپسىرماسىنا سايكەس, وڭىردە اۋقىمدى جۇمىستار اتقارىلدى. سايلاۋدىڭ قورىتىندىسىمەن وبلىستا Nur Otan پارتياسى 81 پايىزدان استام داۋىس جيناپ, وبلىستىق ماسليحاتتاعى 45 مانداتتىڭ 37-ءىن جەڭىپ الدى. بۇل ورتاق جەڭىسكە سىزدەردىڭ دە قوسقان ۇلەستەرىڭىز مول», دەدى ب.تاجىباەۆ.
ۇگىت-ناسيحات كەزەڭىندە پارتيا ۇمىتكەرلەرى 4000-عا جۋىق ءىس-شاراعا قاتىستى. نەگىزىنەن وبلىستىق ماسليحاتتاعى «Nur Otan» دەپۋتاتتىق كورپۋسىنا كاسىپكەرلەر, ءبىلىم, دەنساۋلىق ساقتاۋ, ونەركاسىپ سالاسى, ۇكىمەتتىك ەمەس ۇيىم, باق وكىلدەرى جانە اۋىل شارۋاشىلىعى سالاسىنىڭ وكىلدەرى ەندى. سونىمەن بىرگە كوپبالالى انا دا مانداتقا يە بولدى. جالپى وبلىستىق, اۋداندىق جانە قالالىق ءماسليحاتتاردى قوسقاندا Nur Otan پارتياسى 263 مانداتتى يەلەندى. وبلىستىق ماسليحاتتاعى پارتيا فراكتسياسىنىڭ قۇرامى 60%-كە جاڭاردى. فراكتسيا جاڭا قۇرامىنىڭ 30 پايىزعا جۋىعى ايەلدەر مەن 35 جاسقا دەيىنگى جاستاردان تۇرادى.
ماراپاتقا يە بولعان پارتيا بەلسەندىلەرى ەلباسى نۇرسۇلتان نازارباەۆقا العىستارىن ءبىلدىردى, ەل مۇددەسى جولىندا ەڭبەك ەتىپ, پارتيانىڭ سايلاۋالدى باعدارلاماسىن جۇزەگە اسىرۋعا اتسالىساتىندارىن جەتكىزدى.
