تۇركىستان وبلىسى ورداباسى اۋدانىندا بيىل مەملەكەتتىك يندۋستريالاندىرۋ كارتاسى اياسىندا جالپى قۇنى 29 ملرد تەڭگە بولاتىن, 465 جاڭا جۇمىس ورنىمەن, 4 جوبا ىسكە قوسىلماق.
اتاپ ايتقاندا, «Standart Petroleum & Co» جشس-ءنىڭ جىلدىق قۋاتتىلىعى 1 ملن توننا مۇناي-حيميا وڭدەۋ زاۋىتىنىڭ ءى-كەزەڭى ىسكە قوسىلىپ, 200 ادام تۇراقتى جۇمىسپەن قامتىلادى. «RZN» جشس-ءنىڭ بەتون ءونىمىن ءوندىرۋ جوباسى بويىنشا 150 جۇمىس ورنى اشىلادى. سونداي-اق, «NA Constraction» جشس-ءنىڭ 100 جۇمىس ورنىمەن جاڭا تەحنولوگيالى قىش زاۋىتى جوباسى مەن «الەكساندروۆسكي ساد» جشس-ءنىڭ 15 جۇمىس ورنىمەن كوكونىس ساقتاۋ قويماسى ىسكە قوسىلادى.
بيىل اۋداندا شاعىن جانە ورتا كاسىپكەرلىك سۋبەكتىلەرىمەن وندىرىلگەن ءونىم كولەمىن 51 ملرد 475 ملن تەڭگەگە جەتكىزۋ كوزدەلۋدە. سونىمەن قاتار, «قاراپايىم زاتتار ەكونوميكاسى» جوباسى, «بيزنەستىڭ جول كارتاسى-2025» باعدارلاماسى اياسىندا جانە ميكروقارجى ۇيىمدارى ارقىلى يگەرىلەتىن ينۆەستيتسيا كولەمىن 17 ملرد 444 ملن تەڭگەگە ۇلعايتۋ جوسپارلانعان. ونەركاسىپ ءونىم كولەمىن بيىل 22 ملرد 800 ملن تەڭگەگە, ال وڭدەۋ ونەركاسىبى ءونىمىنىڭ كولەمىن 20 ملرد تەڭگەگە جەتكىزۋ كوزدەلىپ وتىر. ءونىم كولەمى نەگىزىنەن يندۋستريالاندىرۋ كارتاسى اياسىندا ىسكە اسقان ينۆەستيتسيالىق جوبالاردىڭ ءوندىرىس قۋاتتىلىعىن جۇكتەۋى ەسەبىنەن ارتاتىن بولادى.
