ايماق باسشىسى دانيال احمەتوۆ وبلىس اكىمدىگىنىڭ وتىرىسىندا شىعىس قازاقستاننىڭ اۋدان ورتالىقتارىن دامىتۋعا ەرەكشە دەن قويىلۋ قاجەتتىگىن ايتتى.
ء«ار اۋدان ورتالىعى ءۇشىن جەكە جوسپار دايىندالۋى ءتيىس. بىراق بۇل رەتتە باسسەين مەن اۋرۋحانا سالىپ, باعدارلامانىڭ ءساتتى جۇزەگە اسىرىلىپ جاتقاندىعى تۋرالى ەسەپ بەرىپ وتىرۋدىڭ قاجەتى جوق. ەڭ باستىسى, اۋدان ورتالىقتارى مەن ىرگەلەس ەلدى مەكەندەر تۇرعىندارىنىڭ پىكىرىن تىڭداپ, حالىققا ناقتى نە قاجەت ەكەندىگىن انىقتاعان ءجون», دەدى ول.
بۇگىندە توعىز اۋدان ورتالىعىنىڭ بەسەۋى شەكارالىق اۋدانداردى دامىتۋ باعدارلاماسىنا ەنگەن. ال قالعاندارى ءۇشىن ناقتى جوسپار جاسالماق.
«وسىنىڭ ناتيجەسىندە ورتالىقتار عانا ەمەس, جالپى اۋدانداردىڭ نىعاياتىندىعى انىق. ويتكەنى كەشەندى جوسپارلاردى جۇزەگە اسىرۋ حالىقتىڭ تۇرمىسى مەن ءال-اۋقاتىن جاقسارتۋعا باعىتتالادى», دەدى دانيال احمەتوۆ.
