وقيعا • 28 قاڭتار، 2021

بيىل – «جارقىراعان مىڭ كۇندىك» جىلى

34 رەت كورسەتىلدى

ء«بىر ەل – ءبىر كىتاپ» رەسپۋبليكالىق اكتسياسى 2007 جىلدان باستاپ ۇلتتىق اكادەميالىق كىتاپحانا مەن كىتاپحانالار قاۋىمداستىعىنىڭ باستاماسىمەن ءھام مادەنيەت جانە سپورت مينيسترلىگىنىڭ قولداۋىمەن وتكىزىلىپ كەلەدى. ايتا كەتەيىك، اكتسيا قازاق ادەبيەتىن دامىتۋ جانە ۇزدىك شىعارمالاردى انىقتاۋ ماقساتىندا ۇيىمداستىرىلادى.

2021 جىلدىڭ جىل كىتاپ­تارىن تاڭداۋ بويىنشا ء«بىر ەل – ءبىر كىتاپ» اكتسياسى كو­ميسسياسىنىڭ كەزەكتى وتىرىسى ءوتتى. وتىرىس قورى­تىن­دى­سى بويىنشا، ەل تاۋەل­سىز­دىگىنىڭ 30 جىلدىعىنا وراي، جال­پىحالىقتىق وقۋعا «تا­ۋەل­سىزدىگىمىزدىڭ 30 جىلدىعىنا – 30 كىتاپ» رۋحاني-مادەني اكتسياسى ۇسىنىلدى. «اۋدار­ما» نومينا­تسياسىندا «فو­ليانت» باسپاسىنان جارىق كورگەن حالەد حوسسەي̆نيدىڭ «جار­قىراعان مىڭ كۇن» رومانى بار. اۋدارعان – حالىق­ارالىق، رەسپۋبليكالىق جىر دودالارىنىڭ جۇلدەگەرى، اقىن تولەگەن مەللات.

رومان سوڭعى جارتى عاسىر­دا الەم نازارىن وزىنە ءجيى اۋدار­عان اۋعانستاننىڭ اشىق تا تۇڭعيىق ءومىر شىندىعىن، تى­نىس-تىرشىلىگىن بوياماسىز بەي­­نە­لەيدى. سوعىس ءورتى تولاس­تاما­عان، قاراڭعىلىق پەن نادان­دىق ۇستەمدىك قۇرعان قوعام­داعى ادام تاعدىرى مەن ايەل­دەر ءومىرىن، ماحابباتتىڭ مۇڭ-نالاسىن اي­شىقتى تىلمەن انىق جەتكىزەدى.

وقيعا اۋعانستانداعى حح عا­سىر­دىڭ ەكىنشى جارتىسىن­داعى ازاماتتىق سوعىس توڭى­رەگىندە ءوربيدى. اۆتور سوعىس­تى بىزگە ايەلدەر جانە انا­لار كوزى­مەن كورسەتەدى. شى­عىس ەلىنىڭ تۇرمىس-تىرشى­لىگىمەن، تۇرعىندارىنىڭ تاعدى­رىمەن تانىستىرادى. ادام­دارىنىڭ ارماندارى مەن قورقى­نىشتارىن، ۇمىتتەرى مەن قاسىرەتىن باياندايدى. اسىرەسە شىعارماداعى مىنەزدەرى مەن الەۋمەتتىك جاعدايلارى ءارتۇرلى قاسىرەتى مەن مۇڭى ءبىر ەكى ايەل­دىڭ تاعدىرى ەشكىمدى بەيجاي قالدىرمايدى.

ءماريام – باي كاسىپكەردىڭ 15 جاسىندا كۇشتەپ تۇرمىسقا شى­عارعان نەكەسىز قىزى. ال لەيلا – زيالى وتباسىندا دۇنيەگە كەلىپ، جوعارى ءبىلىم الۋدى ارمانداعان باقىتتى قىز. سوعىس اتتى ز ۇلىم كۇش ەكى تاعدىردى ءبىر ارناعا توعىستىرادى. ورتاق قاسىرەت نەگىزىندە قۇرىلعان دوستىق تا بار تۋىندىدا. سوعىس ازاپتارىمەن بىرگە، وتباسىنداعى زور­لىق-زومبىلىق، مۇسىلمان ايەل­دەرىنىڭ قۇقىقتارى مەن بوس­تاندىقتارى تاقىرىبى دا قوزعالادى.

سوڭعى جاڭالىقتار

ۇقساس جاڭالىقتار